Read Northern Rengma Naga ZAKECI 26 Bible Online

ZAKECI 26 - Northern Rengma Naga bible

ZAKECI 26

¹[27] Hi kesazzi nmile khi chilo, O APVÜWA, kepaghenanye hi kemeshonwa sa, nu no nondi ntsa sa den.

²Hi ketsükepha nanlo, APVÜWA; hi kenmvu nu kemeshen tsü ghan nanlo.

³No ghaliki keten tsüna ilen ketsütsonwa; nleben tsentsa tsüna keshüthangla hi ssiden.

⁴Hi anyi ma men nkemithu tsü gweghe nten; hi nkenyeghe kesathu tsü ssinu mangla kuli nten.

⁵Hi anyi nkemehaithu gweghe mvu nten, nu achughe nkemehaithu tsü ghüden.

⁶APVÜWA, hi kesazzi nmile kesa ikwen metsi, nu wala kekinyipen vü nu kinyi.

⁷Hi no keseng khwisa nu no amankesa kekulithu tsüdi pi nyu kiza.

⁸O APVÜWA, hi no hangketen jjen, nu n-nyankethang keben pen tsü hi nenle.

⁹Hi pi kesami nyithu gweghe ndedi thsüla; nyu kepathithu kwen wina hi heisha cülo—

¹⁰mathu na matsü tsüdi wila nkemehai kuli, nu keshüthangla alaa tsü yale kiden ben den.

¹¹Isala hi tsü mangwa meshon khe tsü saden; hi nantizen nu hi hangsha cülo!

¹²Kemessi tsüdi wi hi hangsha ya; ma nyithu saghu keben wi hi Anyiza seng den.