Read Northern Rengma Naga ZAKECI 28 Bible Online

ZAKECI 28 - Northern Rengma Naga bible

ZAKECI 28

¹[29] O APVÜWA, isheikepiwa, hi no cichi, hi kiqai hhai kina cülo! No hi luneng nchi lethu, keshü yyi wi wa ketenthu jawi tsü hi la wa tendha.

²Hi kekiqa ghena no wi khie kechi tsü kina cülo, no kemetha Kekinyijjen kepeghewa wi hi ikwen zanki kechi wi tsü.

³Hi pi nkemehaithu gweghe meshensa nsala, anyi tsüthu jüh na mehai, isala mathu leben wi nyu nankemeghü na ben.

⁴Mathu kekuli nkemehai sa ketheng ghena kemeten pi mathu cülo, mathu kekuli tsü ghena; mathu mangwa yaqo khe kemeten pi cülo!

⁵Mathu na APVÜWA na mangwa sachi nyelela mangwa kulichi theng khe khichi nten; tsalina ma kemeten pi mathu cü, nu anuphan mathu yasa cüden.

⁶Keseng pi APVÜWA cülo; hi kekiqa ghena qai kechi tsü ma kina cüdha.

⁷APVÜWA na hi khwe nu isheipi den; hi ma nondi den. Ma kekiqa pi hi cü nu hi sapi inonghe cü den; hi inonkeghe khwisa pi ma saki den.

⁸APVÜWA na ma nyithu khwe den; ma ma kessikeya kadimiwa sheipi, nu hangsha cü den.

⁹APVÜWA, n-nyithu hangshaya, nu sawegü pi nji saya kesathu cülo. Mathu kehiewa sa, nu anuphan mathu noncca yalo.