Read Northern Rengma Naga ZAKECI 29 Bible Online

ZAKECI 29 - Northern Rengma Naga bible

ZAKECI 29

¹[30] APVÜWA senglo, nthu tang wi kahangthu; ma nyankethang nu kekhang senglo.

²APVÜWA nyankethang senglo; Kemethawa ma keshhugho wi ma tuwi kukedulo.

³Atssükedone wi APVÜWA hhai zaya den; anyankethang Nyiza na ghamo chi, nu ma hhai tsüna atssükedone miwi keheki chi.

⁴APVÜWA hhai tsüna khang nu ma jenben ntsawa zaya den.

⁵APVÜWA hhai tsüna sedar chan pvükhhi, Lebanon wi sedar tonthu lela.

⁶Ma Lebanon yikhathu sapi amesü zzathu ti kephenki thsü, nu Hermon Yikha sapi amesü süpon ti ghakha thsü.

⁷APVÜWA hhai tsüna atsancwe sa shhugho thsü.

⁸Ma hhai tsüna ayyikeshü zankeju; ma Kadesh yyikeshü tsü la zankeju.

⁹APVÜWA hhaiwa tsüna ayangtonthu zankeju, nu maton wi ma wathu la zankeju sha, anyi tsüdi ma Kekinyijjen wi, “Anyiza senglo!” jisha keben wi.

¹⁰APVÜWA na atssü kedhu miwi la kekhang sen; ma anuphan kadimiwa ti khang.

¹¹APVÜWA na kezü pi ma nyithu cü, nu kecca pi mathu sawegü cü.