Read Northern Rengma Naga ZAKECI 3 Bible Online

ZAKECI 3 - Northern Rengma Naga bible

ZAKECI 3

¹[2] APVÜWA, ighinyithu na kejon, anyi kejon na hi matang bendha le!

²Mathu na hati icüki khi, “Anyiza na ma kiqa nbenle.”

³Isala, O APVÜWA, no keshüthangla kemessi wi itsonhiwa sa; na khangkeya pi hi cü, nu ileben satezü neng cüden.

⁴APVÜWA na hi kiqa cülo khie kechi wi, ma kemetha yyishiphon wina hi lunengchi.

⁵Hi khhalidu jen wa, nu APVÜWA na ghaja thangthang hi khweden.

⁶Hi ighinyithu hazar kejon tsü nmessi, mathu na hi vüsen ben lela.

⁷ghola hi hangsha cülo! APVÜWA iNyiza, kemeten pi ighinyithu cü nu hi pa ntena thsüle kesalina mathu kekhang nmi thsü lalo.

⁸APVÜWA wi khangkeya na ghoden— ma sawegü pi ma nyithu kecüwa salo.