Read Northern Rengma Naga ZAKECI 33 Bible Online

ZAKECI 33 - Northern Rengma Naga bible

ZAKECI 33

¹Nthu ketsatanthu tsüdi, APVÜWA kuli kechithu ghena anonghe nu jishalo; ma senglo, ma jühkina ketenthu tsüdi.

²Harp khou pi APVÜWA senglo, achünongli kebenthu tsü khou pi ma senglo.

³Akhwi ketheü sa pi ma wi chi, harp mehaitsü khou nu anonkeghe sa jishalo.

⁴APVÜWA jüh tsüna atsentsa, nu ma kekulithu tsüna nondi qo le.

⁵APVÜWA na ketsatan nu kemeshonwa tsü ghali den; ma ghaliki keten na ayyi tsüdila pong ben.

⁶APVÜWA ma jühkhukechi wi atssanthu sachi, ma jüh kekhi wina aghani, asha nu ghotsithu sachi.

⁷Ma atssükedone tsüdila pi apen kesü wi saghua; ma atssükedone kedhu tsüpi ma pen wi ben thsüa.

⁸APVÜWA kinyilo, ayyi tsüdila! ma nyuwakülo, ayyi wi anyi tsüdila!

⁹Ma khikechi wi, ayyiwa tsüna zhüya; ma jühkhukechi wi pala tsüdila shhugho.

¹⁰APVÜWA na mizzatentithu kemeshen pateshü; ma mathu kiden keben tsü sa waya thsü nten.

¹¹Isala ma kiden kebenwa tsüna anuphan; ma kemeshenthu tsüna anuphanla ben den.

¹²APVÜWApi mathu Nyiza sakeya nyi na kemihhi ntsa; ma kessi pi ma ji saya kesa nyithu na kemihhi ntsa!

¹³APVÜWA na tangwi ben nu ayyi wi ghangden nu anyi tsüdila muben.

¹⁴Ma kekhang kesen pen wina, ayyi wi hang kebenthu tsüdila ghangden.

¹⁵Ma mathu kemeshen tsüdila sachi, nu mathu sa keben tsüdila chüben.

¹⁶Kadimiwa kesü na ma süpahizi khang ntsa kesa ghena khangya nten; süpahi kesü ma kezü ghena khangya nten.

¹⁷khangya le kesa ghena aghi goru nsenla mehai; mathu kezü ghena hangsha meya.

¹⁸APVÜWA na ma jühkina ketenthu hie ben den, ma ghaliki kesa na ma nondi ketenthu hie ben den.

¹⁹Ma keshü wina mathu hangshaya; ma azeng tsüwi la mathu noncca pi hangya thsü.

²⁰Ithu kaghang pi APVÜWA wi chiden; ma ithu kekhwewa nu kekiqawa.

²¹Ma ghena ithu nonghe; ithu ma nyan kemethawa tsü nondiden.

²²No kaghaliki tsüya ithu ssi ben ten thsülo, APVÜWA, ithu na ithu kenondi pi nmiwi keci ghena.