Read Northern Rengma Naga ZAKECI 39 Bible Online

ZAKECI 39 - Northern Rengma Naga bible

ZAKECI 39

¹[39] Hi khi, “Hi mangwa kuli khe hi kiden-kesha den, nu imili ya hi sapi sami thsü nten; anyi nkemehaithu na ighatsan wi keben wi hi mangla khi nten.”

²Hi ajüh la nkhila ceen ben, kemehai lela nkhi! Isala hi ketizenkesa na nmehai kayi,

³nu leben hagiya. Hi meshen kayithu igüccü kayi; tsalina hi hati nkhila ben meya.

⁴APVÜWA, hi khathu hangten nu? Hi khathansha shü wa ten nu? Hi kahang khathansha wi ma sakhen sa ten khe hi kizalo.”

⁵No hi kahang sapi khatila melu nu! Ntuwi hi kahang tsü tsüna mangla nkenye ti. Anle anyi kahang tsüdila ameghü na kuti kuwheng kechi ti,

⁶aghayen ti kesa le. Ma kekuli tsüdila mangla nye; ma keben saghuden, isala thowa tsü yaten khe nchü.

⁷APVÜWA, isathu, hi mangwa ghang benya mehai nu? Hi hi kaghang pi nmiwi chiden.

⁸Hi kesami tsüdi wi hi hangsha cülo, nu kejüphonthu yala hi nankeqhe nsa thsüla.

⁹Hi ajüh nkhila ceen ben den, kepaghenanye hi pi hati ketizensa thsü kebenwa tsüna no le.

¹⁰Hi meten nmesha neng lalo! No hi keshun wina hi shü wa tendha.

¹¹No kekha wina ithu kesami meten cüden, nu no amaqhha ti ithu kenenwa yasa cüden. Anle ithu ha ameghü na kuti kuwheng kechi ti kesa!

¹²APVÜWA hi kekhie kina cülo, nu hi kiqai hhai kina cülo; hi qai keben wi ghola hi kiqa cülo. Ibamyithu tsüdi ti hi matsü keu ketan nkejen sa ben le.

¹³Hi ya inonkeghe pahan muya thsüle kesa ghena hi teshi chilo, hi bvü nu nmila kesa tu wina.