Read Northern Rengma Naga ZAKECI 48 Bible Online

ZAKECI 48 - Northern Rengma Naga bible

ZAKECI 48

¹[47] APVÜWA na di ntsa nu ma seng qo le ithu Nyiza nyunuti, ma kemetha yyishiphon wi tsüna.

² Zion, Anyiza yikhawa tsüna misi, nu atsimehai ntsa; kadimi di ntsawa nyunuti tsüna anonkeghe sengho ayyi tsüdi cüden.

³Ma ssiketen anyunuti khweti non wi tsü apvükesa nmi kesa Anyiza na pi ccüca chidha.

⁴Kadimithu na saghuya nu Zion Yikhawa tsü matang le gho.

⁵Isala mathu na tsü mukeya wi mathu mansa; mathu na messi nu kheneng bvüa.

⁶Ciwi kemessi nu alebenkina na mathu pongya, nza kesü anga pvügha le kebenwa ti,

⁷ahunjjen na caghamo nkemehai wi kulukuli keben ti.

⁸Anyiza na mangwa kulichi khe ithu na tsü zayadha, nu khili ithu Nyiza nyunutiwa wi tsü muyadha, APVÜWA kekhang ntsawa; ma anuphan wila anyunutiwa tsü pi kemessi nkemi wi chi cüden.

⁹O Anyiza, ithu na no Kekinyijjen non wi tsü no ghaliki keten tsü meshen.

¹⁰Apen tsüdi wi anyithu na no seng, nu n-nyankethang tsüna ayyi tsüdi wila wa. No ketsatan wina kekhang sen;

¹¹Zion nyithu yala anongheya thsülo! No kemeshon wi ajühkaghakhi cüden; Judah nyunutithu wi anonkeghe yala pongya thsülo!

¹²Anyiza nyithu Zion tsü vü nu aducü kezhüthu tsü si;

¹³akhweti keshonthu tsü chüya nu akhwetithu tsü ketsükepha nanlo, isanu tsü pi ghaketen shicübvüghathu la kizalo!

¹⁴“Ithu Nyiza hawa ha anuphan nu anuphanla Anyiza le; ma ghaketen matsü tsüdi wi ithu len tsütsonden.”