Read Northern Rengma Naga ZAKECI 61 Bible Online

ZAKECI 61 - Northern Rengma Naga bible

ZAKECI 61

¹[59] Hi kiqai hhai kina cülo, O Anyiza; hi kekhie kina cülo!

²Aleben ketizenkesa nu ajjen kelensie wi hi no cichi ben! Hi ssi wa keyazi pen wi chicülo,

³kepaghenanye no hi kekhwewa, ighinyithu tuwi isheikepi kezüwa.

⁴Hi kahang tsüdi wi hi yala no kekinyijjen wi hangya thsülo; nu hi yala ngisha kekhu wi n-nieya thsülo.

⁵No ijüh khishikechi tsü zayadha, O Anyiza, nu no no kinyikü ketenthu ji tsü pi hi cüdha.

⁶Amapi kejon pi kadimiwa kahang wwa neng cülo; ma yala hangbenya thsülo!

⁷Ma yala anuphanla no ketenpen wi kekhang sen keyawa sa, O Anyiza; No ghaliki keten nu atsentsawa tsüpi ma khwe tenlo.

⁸Isathu hi keshüthangla akhwisa pi no seng den, ijüh khishikechi ti ghanan kaghapen no kinyiden.