Read Northern Rengma Naga ZAKECI 71 Bible Online

ZAKECI 71 - Northern Rengma Naga bible

ZAKECI 71

¹APVÜWA, hi no wi n-nieyale ghobenle; hi ya khiela nyu nchala nsa thsüla!

²No ketsatan kesa ghena, hi kiqacü nu hi hangsha cülo.

³No ikekhwewa sakhvu yalo, nu ighihieyale kesalina akhweti kezüwa no hi ken-niepen nu isheikepiwa.

⁴INyiza, gheshighena nyi wina hi hangsha yalo, anyi aghe nkemehai nu anyi nkemehaithu kekhang wina.

⁵Kadi ntsawa APVÜWA, hi kaghang pi nmiwi chiden; hi ghanyi keben tsü wina hi no nondi gho.

⁶Hi kahang tsüdi wi no maghaki; hi kepvügha ghanan wina no hi nonccaya. Hi keshüthangla no seng den.

⁷Hi kahang ha anyi kejon tuwi tsütsonca sadha, kepaghenanye no isheikepi kezüwa.

⁸Ghanan thangthang hi no seng, nu n-nyankethang pi thangchi den.

⁹Khili hi qhaiwadha nu hi meya mvula nsala; khili hi kezü nmila lela hi teshi nsala.

¹⁰Ighinyithu na hi pathi mvuben; mathu keccünengli nu acho nkemehai pi hi shun.

¹¹Mathu khi, “Anyiza na ma teshidha; ithu ma sennie wa ma ghanya nalo; ciwi thola ma hangshakeya nyi nmidha.”

¹²Kelensie wi ben wa nsa lalo, O Anyiza; iNyiza, hi kekiqa ghena kaghajilo!

¹³Hi ssikaghashen ketenthu ya nyu ncha thsüla, nu mathu yasa kecüwa sa. Hi patena le kiden kebenthu yala kejügheya nu nyankenyen kesawa sa.

¹⁴Hi keshüthangla hi kaghang pi nmiwi chi den; hi no seng kayi den.

¹⁵Hi no kemehai tsü khi den; ghanan thangthang hi no hangshakeya tsü khi den, tsüwa tsü hi chüya kemehai miwi jiki lela.

¹⁶Hi no kekhang tsü sengden, kedi ntsawa APVÜWA; hi no kemehai tsü pi khi den, no kemehai tsü ketan pi thangchi den.

¹⁷Hi ghanyi wina no hi sansi cü, nu hi khili lela no amankesa kekuli tsüpi khi den.

¹⁸Khilitsü hi qhai nu ilissen la pon wa lela hi teshi nsala, O Anyiza! Hi ha sengwi ghaketen shicü tsüdi wi no kekhang nu kezü pi thangchi keben wi no hi gweghe tenlo.

¹⁹Anyiza, no ketsatanwa tsüna atssan cuben. No pala ketithu kuli chidha; thola no ti kesa nmi.

²⁰No agükeccü nu ketizenkesa kesun pi imiwi chi, isala no kezü pi hi cü neng metsi; no ashüjjen wina hi pieki neng chi.

²¹No kheni miwi hi sapi di neng cü; no ileben satecca neng cüden.

²²Ntsakhiwa hi harp sen nu no seng; hi no iNyiza leben tsentsawa tsü seng den, harp wina hi akhwithu sapi no wi chi den; Israel ghena kemethawa.

²³Hi achünong khou nu inonkeghe wina jisha, hi kahang tsüdi pi no seng kepaghenanye no hi hangsha cü.

²⁴Ghanan thangthang wila hi no ketsatan pi khi den, kepaghenanye hi patena cüle kiden kebenthu na khang meyala kejügheyadha.