Read Northern Rengma Naga ZAKECI 75 Bible Online

ZAKECI 75 - Northern Rengma Naga bible

ZAKECI 75

¹[74] Ithu na nkesengcha sapi no cüben, O Anyiza, ithu no nkesengcha saben! Ithu na no khatila dinu kesa pi thangchi nu no amankesa kekulithu tsü pi khi.

²Anyiza na khi, “Ajühkaghakhi le kesa ghena hi matsü ssandha, nu hi kemeshon wina ajühkaghakhiden.

³Kahangli keben tsüdi kedheggü, nu ayyi na kuli lela, hi madonbvü pi zükeqhe shengya thsüaden.

⁴Hi gheshighenawa na nkapvü lalo kiza.

⁵Mathu wikesa tsü teshi yilo kiza.”

⁶Ajühkekaghatenwa tsüna nishu nyelela nidu, nu acüla nyelela agha wina gho nten;

⁷tsüna Anyiza na ajühkekaghatenwa tsüle, anyi pahan meshensa, nu pahan nmeshensa laden.

⁸APVÜWA na ma kwen wi ahyi kesü senden, nu ma lebenketsu zü kekhang pi tsü pong senden. Ma tsüpi keshusha chi, nu gheshighenathu tsüdila tsü jjüya; mathu na ma khakhen la süjjüa.

⁹Isala hi tsü khiela Jacob Nyiza cüki tsü nkhila saya nben nyelela kesengkhwi sapi ma wi nchila sa meyacha.

¹⁰Ma gheshighena kekhangwa tsü pacha cüden, isala ketsatan kekhangwa tsü sapi jikayi cüaden .