Read Northern Rengma Naga ZAKECI 8 Bible Online

ZAKECI 8 - Northern Rengma Naga bible

ZAKECI 8

¹[8] O APVÜWA, ithu PVÜWA, no kedi tsüna ayyi tsüdi wila muden! N-nyankethang tsüna atssan kemisi tsüla cuben;

² tsüghena meme nu ghanyithu na no seng ben. Na nghinyithu tsüdi tuwi kemessi nmi nu apvüsa nten; no no matang ketenthu khenden.

³Hi khathansha wi no sa kechi atssan wi asha nu ghotsithu sapi mathu pen wi keben tsü muya khe——

⁴ anyi ha mangwa le no ma meshen; no mangsale anyi mele ha noncca ten nu?

⁵Isala no ma sapi keu ketan no[9] nkecen sachi; no anyankethang nu kekü pi ma liwen sa cü.

⁶No ma yala pala tsüdi miwi kediwa sa thsü; no sakechithu tsüdi pi ma ccü cakhu chi:

⁷Khaghaneni, amesüsithu, nu aghangsathu la;

⁸Awa nu anga nu atssükedone wi kahangthu tsüdila.

⁹O APVÜWA, ithu PVÜWA, no kedi tsüna ayyi tsüdi wila mu den!