Read Northern Rengma Naga ZAKECI 95 Bible Online

ZAKECI 95 - Northern Rengma Naga bible

ZAKECI 95

¹Gholo, ithu APVÜWA seng na! Ithu anonkeghe khwi sapi ithu khwe ketenwa Nyiza cü nalo!

²Ithu na nkesengcha sakechi sen nu ma tuwi wha na, nu anonkeghe ntsa kesengkhwithu sa na.

³Kepaghenanye APVÜWA tsüna kekhang Nyiza kesü, kepa cenpvüthu miwi kekhang kadimi kesü.

⁴Ma ayyi maben miwi, ayyiku kedhu ntsa wina wala ayyishiphon kemisi ntsa kecu wi kekhang sen den.

⁵Ma atssükedone sa kechi nu ma ketanla zhükeya ayyi tsüdi miwi la kekhang sen den.

⁶Gholo, ithu kukedu ma kinyi na; ithu PVÜWA, ithu Sakechiwa tuwi akhhutsüdu nalo.

⁷ Ma ithu Nyiza; ithu na ma noncca keten anyithu, nsenthu keyishü pi cü keten ma nenithu. Nonsü ma mangwa khiben khe kinalo:

⁸ “Nthu bamyithu na Meriba wi, mathu na Massa yyikeshü wi keten tsathang tsü wi ti nkoghobvü lalo.

⁹Mathu na hi mathu ghena kulikechi tsü muya lela, ciwi mathu na hi pi ghankenan wi chi nu hi ghan-nan le sa.

¹⁰Amapi jügha hi mathu ssi pi inonhi wa. Hi khi, ‘Mathu khatila ajüh meya, nu ayenkhukechi tsü n-nie mvula nu!’

¹¹Hi aghepvü ntsa sa nu ijüh khishichi: ‘Nthu na khiela hi kecca pi nthu cü keten yyi wi tsü duya nben.’ ”