Read Northern Rengma Naga ZAKECI 96 Bible Online

ZAKECI 96 - Northern Rengma Naga bible

ZAKECI 96

¹Akhwi ketheü kesü sapi APVÜWA wi chilo! Akhwi sapi APVÜWA wi chilo, ayyi tsüdi!

²Akhwi sapi APVÜWA wi chilo, nu ma senglo! atsathang wila ma ithu hangsha kecü ajüh kemehaithu tsü pi thangchilo.

³Ma nyankethang nu ma kekhang kekuli kedithu pi mizzatenti nu anyi tsüdi wi thangchilo.

⁴APVÜWA na di ntsa kesalina ma keseng-u le; kepa cenpvüthu miwi ma nyuwa kayi kesa-u le.

⁵Mizzatenti kepathu cenpvü tsüna atsikezhü ketan, isala APVÜWA na atssanthu sachi.

⁶Anyankethang nu ajenkeben na ma vü; kekhang nu atsikemehai na ma Kekinyijjen pong ben.

⁷APVÜWA senglo, ayyi wi anyithu tsüdi; ma nyankethang nu kekhang tsü senglo.

⁸APVÜWA nyankethangwa tsü senglo; pala pi ma kecü tsü sen nu ma Kekinyijjen wi gholo.

⁹Kemetha tsikemehai wi APVÜWA kinyilo; ma tuwi kedheggülo, ayyi tsüdi.

¹⁰Mizzatentithu tsüdi wi kiza, “APVÜWA na kadimiwa le! Ayyi tsüpi ma pen wi dsadsa chidha, nu tsü papheghe meyacha; ma atsentsa wina anyithu jühkaghaten den.”

¹¹Anongheyalo, ayyi nu atssanthu! Ghamolo, atssükedone, nu ciwi kahangli kebenthu tsüdi;

¹²anongheyalo, allithu, nu ciwi kebenthu tsüdi! Agheja wi achantonthu na anonghe jisha

¹³APVÜWA ayyi wi kekhang senle kegho wi. Ma atsentsa nu kemeshon sen nu ayyi wi anyithu tsüdi miwi kekhang senden.