Read Northern Rengma Naga ZAKECI 97 Bible Online

ZAKECI 97 - Northern Rengma Naga bible

ZAKECI 97

¹APVÜWA na kadimiwa! Ayyi, kenong sa yalo!

²Akulukeshü nu kejang na ma vü sen ben; ma ketsatan nu kemeshon sen nu kekhang sen ben.

³Anni na ma tuwi wa nu ma ghinyithu na ma vü keben tsü mecang.

⁴Ma tsanchwe tsüna ayyi tsüdi wegüden; ayyi na tsü mu nu kedheggü.

⁵Ayyishiphon na APVÜWA tuwi anie ti tssüghe, ayyi tsüdi miwi APVÜWA tuwi.

⁶Atssanthu na ma ketsatan pi thangchi, nu mizzatentithu tsüdi ma nyankethang tsü muya.

⁷Atsikezhü kinyi ketenthu tsüpi kejüghekeya wi chi; acenpvü kepathu tsüdi APVÜWA tuwi kukedu.

⁸Zion nyithu na nong ben, nu Judah nyunutithu na anonghe ben, O APVÜWA, njühkekaghatenthu tsü ghena.

⁹Kekhang ntsawa APVÜWA, no ayyi tsüdi miwi kekhang kesenwa; no acenpvü kepa miwi diki ntsa.

¹⁰APVÜWA na nkemehai nanmeghü ketenthu tsü ghaliden; ma ma nyithu kahangli khweden; anyi gheshighenawa kekhang wina ma mathu hangsha yaden.

¹¹Kewegü na ketsatanthu miwi wegü ben den, nu anonkeghe na kemehaithu miwi ben den.

¹²APVÜWA kulikechithu tsü ghena nthu ketsatanthu tsüdila nong yalo! Kemetha Nyizawa na mangwa kulichi khe tsü meshen nu keseng pi ma cülo.