Read Northern Rengma Naga Kesaki khwi 6 Bible Online

Kesaki khwi 6 - Northern Rengma Naga bible

Kesaki khwi 6

¹Nzathu jawi atsikemehai ntsawa, nzi pvüzawa na khiewa wadha nu? Nzi pvüzawa na alen khiewa wadha khe ithu kizalo, isathu ithu na no kiqa pi ma bhaya thsüben.

²Izi pvüzawa na balsam tonthu na shigü keben ma sanku wi wadha. Ma ma sahang pi asanku wi atsse yathsü, nu ashaghathu tsü saghuben.

³Izi pvüzawa na iji, nu hi ma ji; ma ma sahang pi ashaghathu jawi atsse yathsü ben.

⁴Izi ghalawa, no Tirzah tsikemehai ti, Jerusalem nyunutiwa tsikemehai, anyunuti hathu wi qhethiketen kesa ti.

⁵Hi wiwa na n-nyon zanpheghe yalo; tsüthu na hi zanten yaden. Nlissen na kethenghe pi anenithu akhan kesü na Gilead yyishiphon thu wina pencü keten ti.

⁶Nyha na miki pi khaghaneni ma ssen ceya nu atssü kizü pvü shhugho keben ti. Tsüthu kesütanla nqanca; tsüdila haicencula meceqe saben.

⁷Ndhebi na n-mmi keshang kekhu wi wegüthsü ben.

⁸Kadimiwa ya kadijja achentugho, meshibvüthu achentazen, nu ghala pvünyithu nsila yaya thsülo!

⁹Isala hi tsü kesütan nenben, nu ma adavü tsikemehai ti kesa. Ma jja nga ma ketan, ma jja na kenen ntsawa. Nzathu tsüdi ma ghang nu ma seng; kadijja nu meshibvüthu na ma saki.

¹⁰Ma tsi na tsantheghi ti kesawa ha thowa nu? Ma atsimehai ntsawa nu wegüthsü, aghani nyelela asha kewegü ti kesa.

¹¹Hi mcüshüli tonthu jawi na yyiketijü wi aghang kaghanithu, kemeshentsse mawa kaghani keshigü, nu ahhibvü kepvüthu ghangle dughoben.

¹²No hi sapi kenenli tsü nmvu thsü kesa ghena, hi gorugari kecula kesü na aghi wi wa keten ti kedheggüben.

¹³Nashülo, Shulam ghala, nashülo. No nashülo, ithu na no ghang ten na. Hi ghang kebenthu jüwi nashü keben witsü nthu mangkesa na hi ghang mvuben nu?