Read Northern Rengma Naga Kesaki khwi 7 Bible Online

Kesaki khwi 7 - Northern Rengma Naga bible

Kesaki khwi 7

¹No ghala tsikemehai khatila nu! Nccüguwen kepvü na khatila jiketsü nu! Nphedi kaghaben na anyonsukepvü kesü na kekuli ti.

²Npvüli na akhuzza kesü, ciwi khiela kisengtssü na nmila sa nketen ti. Npvü na awhengsu tsang ti kesa, ashaghathu pi vütheng.

³Ntseni na ameshü zza keni, amejü süpon keni ti kesa.

⁴Nsun na asayha pi ducü kezhü kesü ti. N-nyon na Heshbon nyunutiwa wi acücengthu, anyunutiwa kaghapeng jenka kete wi tsüti. Nmetsan na Lebanon ducü kezhü tsikemehai na Damaska ghihie keben ti kesa.

⁵Nli na jiketsü sapi Karmel Yikha ti. Nlissen kemishhü na wegü pi mehaitsü; ma tsikemehai na kadimiwa zanya.

⁶No khatila mehai, atsimehai ntsawa; no kenenwa tsüna khatila mehai cencu.

⁷Nkhüton na palm ton kesü ti, nu ntseni na ma bi cüponthu ti.

⁸Hi palm ton wi megheki ma bi layaden. Ntseni na ighena kemeshentsse bi cüpon, nhathakeshu na alati han ti,

⁹nu npang na kisengtssü kemehai ntsa ti. Isanu kisengtssü ya Izi pvüzawa wi wa, ma khemüggü nu ma yha miwi lle thsülo.

¹⁰Hi Izi pvüzawa ji, nu ma hi yamvuben.

¹¹Izi pvüzawa, ghalo, ishinyi ayela wi shhua na, nu aghaja anyuthu wi ben wa na.

¹²Ishinyi na ghanen mitu na shaghala kemeshentsse bithu na shigü shagha, kepvüthu na sha shhugho, nu ahhibvü na pvü wadhala npi khe ghang den. Ciwi hi kaghali pi no cüben.

¹³No ciwi ishinyi jenka kete wi atsughethu nu kedsau kemehai tsüdi han kahanya mehai. Izi pvüzawa, hi nghena tsü kaghawen nu ketheü la pi theng.