Read Northern Rengma Naga ISAYA 18 Bible Online

ISAYA 18 - Northern Rengma Naga bible

ISAYA 18

¹ Sudan ghakuthu khhakawa ayyi kesü wi agisha kekibhagha hhai zaben.

²Ayyi tsüwa wina mithonthu ahuphon pi kesa hun wina Nil Ghaku wi dugho ben. Ajjen wi wha nenglo, nyilo kembhithu! Ketsijüh kesü khu neng sen nu nthu yyi aghaku na gishüzighe keben mizzatenti kezü nu kekhang kebenthu, nthu nyi tisie nu ahyu chengche kesathu, ayyi tsüdi wi nyu na mathu messi ketenthu wi whalo.

³Kinalo, ayyi wi hang kebenthu tsüdila! Ayikhathu shoni wi azensu kesü sala khangthsü pieki keten ghanglo! Tutuwa kekhou hhai kinalo!

⁴Apvüwa na hi wi khi, “Mazü wi aghaja yeng keben wi akejan na keca hhai ti, nu ghanan lapvü wi aghani na kie pi cca keben tsü wi ti hi tang wina ghangchi den.

⁵Kemeshentsse bi npi la keya wi ma kepvü na gha nu ma bi nyün keben wi annuza pi kemeshentsse ton wi ma cüna widhi keten ti ghinyi na lekete Sudan nyi yasa ben.

⁶Mathu na süpahithu kamang pi ameiwi chi nu awa nu aghangsathu cüaben. Mazu wi awa nu pathsü wi aghangsa na tsü dsaben.”

⁷Aghakuthu na gishüzighe keben yyi, kezü nu kekhang keben mizzatenti, ahyu chengche kesa anyi ketikesiethu, ayyi tsüdi wi nyu na mathu messi ketenthu na khukechi tsü Apvüwa Kekhang ntsawa na yaketen matsü kesü na ghoden. Mathu na Apvüwa Kekhang ntsawa kinyi ketenpen, Zion Yikha wi ghoden.