Read Northern Rengma Naga ISAYA 20 Bible Online

ISAYA 20 - Northern Rengma Naga bible

ISAYA 20

¹Assiriya wi Kadimiwa Sargon ahza ghena Assiriya nyi süpahizi benchüwa na wa Ashdod wi Filistin nyunutiwa ssikaghashen.

²Amapi kecheng tuwi Apvüwa na Amoz tsawa Isa ya ma ccüguwen nu ma pvü keten leshithsü tsü khushilo ma kiza. Ma tsü kina nu ma kimessü nu ma ccükevü sa wa.

³Ashdod yakeya sengwi Apvüwa na khi, “Imaghawa Isa na kimessü nu accükevü pvü nu amapi kecheng kegoe bendha. Tsüna Ejipt nu Sudan manyi miwi mangwa saaten khe tsü zensu kesü.

⁴Assiriya kadimiwa na diyyi tsü keni wi ghankeya atssüzüthu tsü mathu kimessü ssinu bvüaben. Ghanyi nu keqhai la accükevü nu kimessü, aghatsü makevü pvü nu alentsen nu kejüghe sengho Ejipt cüben.

⁵Kenondi pi Sudan miwi chi nu Ejipt ghena kapvü ketenthu na mathu kaghang yasa nu palachü kivvü shaben.

⁶Tsü tsüna kegho wi, Filistia katen wi hang ketenthu na khiben, ‘Ithu ya Assiriya wina ithu khweya thsüle mathu maghaki ketenthu wi khati sadha khe ghangchilo! Ikhang na khatinu hangya mehai nu?’ ”