Read Northern Rengma Naga ISAYA 35 Bible Online

ISAYA 35 - Northern Rengma Naga bible

ISAYA 35

¹Ayyikeshü na ma nongheben, nu aghansha wi athighithu na pvüben.

²Ayyikeshüwa na akhwisa, nu anonkeghe ghena jishaben; tsüna Lebanon Yikha tsikemehai ti sa Karmel nu Sharon yyikemehai ti saaben. Anyi tsüdila Apvüwa yen tsikemehai, ma kedi nu kekhang la muden.

³ Kezü pi akwen mnankezü kebenthu cü, nu akhu nkhangla kedheggü kebenthu cülo.

⁴Messi kebenthu wi ha pi kizalo, “Zü benya, nmessila! Anyiza na nthu kikashaya le, nu kemeten pi nthu ghinyithu cüle ghoden.”

⁵ Anyon nkemuthu na muya, nu akhuna kedecu nyi na zayaden.

⁶Accü nkemehaithu na kephenki, nu ajühkhi nkeya nyi na anonkeghe ghena jishaden. Aghaku tsüna ayyikeshü wi lle waden;

⁷Ahachan yyi kisa tsüna aghajü sa, nu ayyi keqha wi atssüdhegü bvü pi pong shaben. Whewhethu na hang keten pen wi awen ghang, nu ahuphonthu na shigü shhughoaben .

⁸Alentonti na ciwi benben, nu tsüpi “Kemetha Lenwa” isa ciben. Kesami nyi kesüla tsü tonya nben; kejüphonthu na tsü ton ketenthu lentsütson deja nben. [10]

⁹Ssensitemi kesüla ciwi ben nben; aghangsa kedaggü kesüla alen ciwi wa nben. Apvüwa na kikashakeyathu ketan alen ciwi cüshu ben den.

¹⁰Mathu na anonkeghe sa wa Jerusalem cuya, anonkeghe ghena akhwisa nu jishaden. Mathu na anuphan wila anongheden, anuphanla ahathakina nu leben gükeccü nmilaben.