Read Northern Rengma Naga EZEKIEL 2 Bible Online

EZEKIEL 2 - Northern Rengma Naga bible

EZEKIEL 2

¹Hi tsü kemu wi, ayyi wi khulidu nkhwen wa. Tsaseng wi hi ahhai kesü khi keben za, “Keshü nyiwa, shaghalo. Hi no ccüneng mvu ben le.”

²Ahhaiwa na khi keben wi, Anyiza ghamu na hi wi dugho nu hi pieki chi, nu hi ahhaiwa na khi keben za,

³“Keshü nyiwa, hi no kesun pi Israel nyithu wi chiben. Mathu na ijüh hhaghe nu kheneng hi matang, nu khili kecu mathu bamyithu kesa ti hhaghe ben.

⁴Mathu na leben-dhu nu hi nyuwakü nsa, tsalina hi no kesun pi Kemisintsa Apvüwa, hi mathu wi kiza keben jüh hapi mathu kiza thsüle saben.

⁵Hhaghe ketenthu na njüh kinale nkina lela atusenjüh-kechü kesü na mathu jawi bendha le kesa mathu na chüyaben.

⁶“Isala keshü nyiwa, no mathu nyelela mathu na katsüha khi lela nmessi lalo. Mathu na no matang nu nkhichi saaden; tsüna ajüssithu jawi kahang ti saaben. Isalela hhaghe ketenthu nu mathu na katsüha khi lela nmessila.

⁷Mathu na kinale nkina lela, hi no ya khilo pi no kekizathu pi mathu kiza lo. Mathu na khatila hhaghe khe meshen chilo.

⁸“Keshü nyiwa, hi mangwale no kiza khe kinalo. Mathu ti nhhaghe lalo. Npang ka nu hi mangwa pi no cüle ben khe tsü dsalo.”

⁹ Hi akwen kesü na chang sen nu hi wi gho keben mu, nu tsüna kezhüllu kesü senben.

¹⁰Akwenwa tsüna kezhülluwa tsü llushachi, nu tsüna ghapili qho zhüketheng hi mu —— tsüna leben gükeccü kiqai, nu kinaa nu kaghadhithu pi zhütheng.