Read Northern Rengma Naga EZEKIEL 35 Bible Online

EZEKIEL 35 - Northern Rengma Naga bible

EZEKIEL 35

¹ Apvüwa na hi ccüneng.

²Ma khi, “Keshü nyiwa, Edom diyyiwa khimeshü chilo.

³Anyithu wi Kemisintsa Apvüwa na mangwa khiben khe pi kizalo. Hi nthu ghinyiwa le; Edom yikhathu! Hi nthu khupi yasa pi keyasa yyi kesü sa thsüaden .

⁴Hi nthu nyunutithu yasa pi teshiaben; Nu nthu yyi yasa den. Tsaseng wi nthu na hi Apvüwa le kesa chüyaden.

⁵“Nthu na keshüthangla Israel ghinyithu saben wa nu ma kesami ghena kemeten sakhenwa tsü wi ma nyithu ya shü thsüle.

⁶Tsalina hi Kemisintsa Apvüwa, hangben keten Nyiza tsentsawa kesa ghena keshü tsüna nthu na metuketenwa tsüle, nu nthu na tsü chhenya nbendha. Nthu na anyi kepathi wi sazzidha, tsalina kepathi na nthu hieben.

⁷Hi Edom diyyi yyishiphon wa tsüpi keyasa kesü sa nu ciwi hhawa ketenthu tsüdila pathiaben .

⁸Hi akamangthu pi ayikhathu pong cüden, nu aghi wi pathikea kamangthu tsüna yyishiphon nu ketijüthu tsüdi pong shaden.

⁹Hi nthu pi anuphanla keyisha kesü sa cüden, nu nthu nyunutithu wi hang neng nbendha. Tsaseng wi nthu na hi Apvüwa le kesa chüyaben.

¹⁰“Nthu na hi Judah nu Israel mizzatenti keni ha Pvüwa, nu Anyiza saben lela tsü keni nu manyi yyi tsüna nthu ji nu nthu manyi yaya tenle khi.

¹¹Tsalina hi Kemisintsa Apvüwa, hangben keten Nyiza tsentsa kesalina, hi nthu na inyithu miwi nleben kemenu, n-nyonkesa nu nankemeghü tsüpi nthu dhineng cüden. Nthu na mathu wi sa kechi ghena hi kemeten pi nthu cüben le kesa mathu na chüyaben.

¹²Tsaseng wi nthu Israel yikhathu tsü yishadha nu nthu na tsü yaya mehaidha le meshen nu mathu nkhichi la khi kechi tsü hi Apvüwa na tsü zaya le kesa nthu na chüyaben.

¹³Hi nthu na aghe nmehaila kapvü nu hi shonla keccünengli kesa tsü la zayadha.”

¹⁴Kemisintsa Apvüwa na khiben, “Hi nthu pi yishatha sa nu ayyi maben nthu keqanca ghena anonkeghe saaben,

¹⁵tsüna nthu na iji Israel tsü kededi ghena nthu nonkeghe kesa ti. Seir yikhathu, anle, Edom yyi tsüdi yisha cüden. Tsaseng wi anyi tsüdila hi Apvüwa le kesa chüyaben.”