Read Northern Rengma Naga EZEKIEL 42 Bible Online

EZEKIEL 42 - Northern Rengma Naga bible

EZEKIEL 42

¹Tsaseng wi anyiwa tsüna hi ssinu akhemi kevüdhi ameiwa wi du nu hi ssisen Kekinyijjen na aghawa ajjen kesü wi du, tsüna Kekinyijjen na niduwa ajjenwa tsü ssinu temeja khang nsa.

²Ajjen hawa ha ma kesie na meter deni nu ma kemeza na meter ngwe nu manga.

³Tsü pahanwa apen kaghacang ma kemeza na meter changha sala Kekinyijjen chhen kebenwa tsü jentan, nu pahanwa na akhemi kevüdhi ameiwa kedha tsü jentan ben. Tsüna asha kecheng satheng, nu kesüsü pi ma kekhuwa tsü sengwi kessaphelila satheng.

⁴Ajjen hana aghawa alen kesü ma kemeza na meter manga, nu kesie na meter deni isanu ma chuli waben, ma katen wi kedulenthu ben shanben.

⁵Asha tangwa wi keshondhithu tsüna anonwa nu ssanwa wi keshondhi miwi zzaki, kepaghenanye tsüthu tsüna kessaphelila satheng.

⁶Ajjen sha kecheng wi keshondhithu tsüna tsüdila ma kuthu miwi ngan, nu akhemi kevüdhiwa wi ajjenthu na ma kedonthu pi chi ketheng ti nsa.

⁷Asha ssanwa wi ma keshon ameiwa tsüna ajjen tsüwa kesie gishü pahan meter ngwe nu manga tsüna ma kemetson; nu ajjen keshondhithu kepa na meter ngwe nu manga na ben. Asha tangwa wi ajjen ma chuli shondhi theng.

⁹Ajjen keshondhi ha keni kekhu wi ajjen katen wi nishuwa akhemi kevüdhi zhü keshhugho keben wi tsü, alen kesü na akhemi kevüdhi sa shhu keben wi ameiwa kedulen na ben. Kekinyijjen na acülawa nidu wi ma kenten wi ajjenwa tsü ssinu temeja khang nkesa wi ajjen makesü kesa kesü na ben.

¹¹Ajjen keshondhithu tuwi alen kesü aghawa keben tsüti kesa na ben, tsüna ma ketikesie meceqe; matsi makesü nu kedulen makesü.

¹²Ajjen tsüwa acülawa kejentan nishu kenten wi ajjen keshon kitegü keshhugho pen wi tsü keshondhithu kekhu wi ajenka kesü na ben.

¹³Anyiwa tsüna hi wi khi, “Ajjen ha keni qho metha, keqhaikedithu na ajjen tsü keni wi Apvüwa ketenpen wi du nu khukechi kemehai ntsathu tsü dsaben. Ajjen keshondhithu na metha kesalina keqhaikedithu na khukechi kemetha tsüpi ciwi theng den; tsüthu tsüna asu pi kekinyi nu kesami ghena ahhansha kesa nyelela kedhineng ghena kekinyi.

¹⁴Khathansha wi keqhaikedithu na Kekinyijjen wi benla nu kevüdhi na ameiwa wi shhu mvu khe mathu na Apvüwa kekuli sa keben jüwi kepvü kemetha thsümenithu tsüpi ajjen keshondhi hathu wi teshi nsathu yishü. Mathu na anyithu saghu ketenpen wi npi keshhu wi athsümenithu kepa pvüya nsathu yishü.”

¹⁵Anyiwa tsüna Kekinyijjen non wi kitegü cenkeya seng wi ma hi ssinu nishu khweti-jenka wina shhu nu ameiwa la kitegü.

¹⁶Ma kekitegüjiwa tsü khuya nu nishu wiwa kitegü tsüna meter 250.

¹⁷Tsaseng wi aghawa, acülawa nu niduwa kitegü; ma kevü kesie tsüdila makesü, tsüna meter 250 meceqe pi vüben,

²⁰tsalina ajjen wikeshonwa tsüna meter 250 meceqe, Ajjen wikeshon tsüna kemetha nu nkemetha ghüdhi kepapa saben.