Read Northern Rengma Naga OBADIYA 1 Bible Online

OBADIYA 1 - Northern Rengma Naga bible

OBADIYA 1

¹ Hawa ha Obadiya na atusenjüh-kekhi - Kemisintsa Apvüwa na Edom mizzatenti cüki kekhi. Apvüwa na ma nyilo kesun pi mizzatentithu wi chidha, nu ithu na ma ketsijüh zayadha: “Kidenyalo! Ithu na aghi wi wa Edom ssisa na!”

²Apvüwa na Edom wi khiben, “Hi no sapi nkhang thsüladen; anyi tsüdila no nkhichi saaben.

³Nwikesa na no mechudha. No ghazen nyunutiwa na alon pi khweti vütheng; njjen na ayikhathu kemisi miwi ben, tsalina no ketanla no wi khi, ‘Thowa na hi zanshaya mehai nu?’

⁴No njjen pi amumu ghacen kemisi kesü ti satheng, tsalina tsüna ghotsithu ti ben lela hi no zansha cüden.

⁵‘Khathansha wi kaghanfüthu na aghaja wi gho khe, mathu na yamvu keben ketan khuyaden. Khathansha wi anyithu na kemeshentsse bi la khe, mathu na keshüthangla keu teshiden. Isala nghinyithu na no yasatha pidha.

⁶Esau shicübvüghathu, nthu keben tsü shupvü bvüdha.

⁷Nthu pfüwathu na nthu mechudha; mathu na nthu diyyiwa wina nthu jügüshidha. Anyithu nthu ssinu kecca wi ben ketenthu na khili nthu nkayadha. Apvüshangthu nthu gweghe dsajjü ketenthu na aca kesü pi nthu die theng; mathu na hati nthu cüki khiben, “Ma acho kemehai keben tsüdi khiewi bvüdha nu?”

⁸“Hi Edom kemeten ghanan wi, hi mathu acho kemehai nyi yasa, nu mathu kemetsa tsüdi jjü piaden.

⁹Teman ghi kesanyi na qhethiketen piaden, nu Edom wi süpahi tsüdi pathikhiaben .”

¹⁰“No Jakob shicübvügha ncünyuthu[1] ji peghe nu pathi kesalina, no yasa nu anuphan nyuwakü nsaladen.

¹¹Ghinyithu na mathu khweti pakhhi kedugho ghanan wi no ceen ngan wa. No nkemehai na kijünyi thu Jerusalem keben-keyeng pvü bvüa nu pi mathu jawi gishüya kesathu ti.

¹²No Judah wi nthu cünyuthu cenpvü nkemehai tsü nankeqhe kesa-u nye. Mathu keyasa ghanan wi no anonkeyen-u nye. Mathu na agüccü keben wi no mathu nankeqhe kesau nye.

¹³No inyi nyunutiwa wi du nu mathu na ketizen kesa ghanan wi mathu gükeccü nankeqhe, nu mathu keben tsü pegheya kesa-u nye.

¹⁴No lonpighethu wi ngan nu bvüyale sa kebenthu tsü kaghang-u nye. No mathu gükeccü ghanan wi mathu pi ghinyithu kwen wi chi kesa-u nye.”

¹⁵“Hi Apvüwa, mizzatentithu tsüdi jühkaghaten keten tsathangwa tsüna tetsakidha. Edom, no mangwa sadha khe pi nmiwi sa chiden. No mangwa pi nyu cü khe no tsü mu neng yaden.

¹⁶Inyithu na iyyishiphon kemethawa miwi kemeten hyi kekhawa tsü jjüdha. Isala kechhenkevü wi mizzatentithu na kemeten hyi kekhakiwa tsü jjüben; mathu na tsü tsüdi jjü nu nmilaben.”

¹⁷“Isala Zion yikha miwi pahan na bvüyaden, nu tsüna apen kemetha kesü saaden. Jakob nyithu na ayyi pi mathu ji kesauwa tsü benyaden.

¹⁸Jakob nu Josef nyithu na anni ti saaben; mathu na anni pi amatsi kemecang ti Esau nyithu yasa ben. Esau shicübvügha kesüla hangya nben. Hi Apvüwa, hi khidha.

¹⁹‘Judah acülawa nyithu na Edom wi benyaben; niduwa yyishiphon ccü wi ketenthu na Filistia nkayaben. Israel nyithu na Efraim nu Samaria yyi wi benyaben; Benjamin nyithu na Gilead yayaben.

²⁰Israel aghawa wina kushinyi sa kewathu süpahizi na ghoneng, nu Fonikia na wa aghawa Zarefath kecu yayaben. Jerusalem wina kushinyi sa wa Sardi wi kebenthu na Judah acülawa nyutithu nkayaben.

²¹Jerusalem nyi khang ntsa ketenthu na Edom ssisa nu tsü miwi kekhang senben. Nu Apvüwa na ma ketan kadimiwa saaben.’