Read Northern Rengma Naga JONA 2 Bible Online

JONA 2 - Northern Rengma Naga bible

JONA 2

¹Jonah na anga pvünon kedhu ntsa wina Apvüwa ma Nyiza wi kekhie sa:

²“O Apvüwa, hi agükeccü wina no ci chiben, no hi luneng cülo. Keshü yyi kedhu wina hi no wi hi kekiqa khie, nu no hi kekhie zaya.

³No hi pi kedhu ntsa wi khala chia, atssükedone shuku wi khala chia, ciwi atssü na hi vüshakhi, nu ntssüketi kullu tsüdila imiwi ben.

⁴Hi kemeshen no ketenpen wina hi khupidha nu hi khiela no Kekinyijjen kemethawa tsü mu neng nben le sa.

⁵Atssü na imiwi ghonu hi miyan; atssükedone na hi mejuthaya, nu atssü kepagha na ili kejibhonya.

⁶Hi ayikhathu ccü wi wa, ayyi khweti-jenka na anuphanla khen keten witsü du. O Apvüwa iNyiza, isala no kedhu wina hi kahang sen neng shhugho.

⁷Hi kahang na bvü keten chükeya wi O Apvüwa, hi no wi khie, nu no Kekinyijjen kemethawa wina ihhai zaya.

⁸Atsikezhü ma men nkemi kinyi ketenthu na no wi ajühkeya tsü teshidha.

⁹Isala hi tsü no kesengkhwi saaden; hi ahhansha kesü sapi no cü, nu hi khishiketheng tsü saaden. Hangshakeya tsüna Apvüwa wina gho le!”

¹⁰Tsaseng wi Apvüwa na ahza pi anga tsü cü nu Jonah meshusha pi aghüsa wi chi thsü, nu tsüna tsüti sa.