Read Northern Rengma Naga SHICÜSI 1 Bible Online

SHICÜSI 1 - Northern Rengma Naga bible

SHICÜSI 1

¹ Israel nyithu na Ejipt teshi nu amapi keni asha keniwa ghanan atuwa wi Apvüwa na Sinai yyikeshü wi ma ketenpen Nithsüjjen wi Mosa ccüneng nu khi,

²“No nu Aaron nshinyi Israel nyithu agei nu atheghi kenie wina nyanzhüghu yalo. Npvüzathu tsüdi nyan zhü,

³kahang mapi nkwe nu tsümiwi keqhaiki aghi waya kemehai nyanzhüghu yalo.

⁴Amizza tsüdi wi agei kesü wi meshu kesü ya nshinyi kiqa thsülo.”

⁵Anyi hathu ha mathu mizza wi accülikesathu kekuli ha ghena anyithu ja wi kessishiya: [Amizza] — [atheghi liwa] Reuben — Shedeur tsa Elizur Simeon — Zurishaddai tsa Shelumiel Judah — Amminadab tsa Nahshon Issakhar — Zuar tsa Nethanel Zebulun — Helon tsa Eliab Efraim — Ammihud tsa Elishama Manasseh — Pedahzur tsa Gamaliel Benjamin — Gideoni tsa Abidan Dan — Ammishaddai tsa Ahiezer Asher — Okhran tsa Pagiel Gad — Deuel tsa Eliasaf Naftali — Enan tsa Ahira

¹⁷Mosa nu Aaron manyi na meshu taghakeni hathu ha kekiqa sen nu

¹⁸asha keniwa ghanan atuwa wi anyithu maben cighu chi nu agei nu atheghi kenie wina anyi tsüdi nyan zhüya. Npvüzathu kahang mapi nkwe nu tsümiwi keqhaiki tsüdi si nu nyan zhüya,

¹⁹tsüna Apvüwa na kekhi ti sa. Sinai yyikeshü wi Mosa na anyithu nyanzhüghu.

²⁰Npvüzathu kahang mapi nkwe nu tsümiwi keqhaiki aghi waya kemehai mathu gei nu atheghi kenie wina nyan zhüya, Jakob tsa keqhaiwa Reuben mizza pi atuwa sanu zhüya. Tsüdi saghu hati: [Amizza] — [Anyi] Reuben — 46,500 Simeon — 59,300 Gad — 45,650 Judah — 74,600 Issakhar — 54,400 Zebulun — 57,400 Efraim — 40,500 Manasseh — 32,200 Benjamin — 35,400 Dan — 62,700 Asher — 41,500 Naftali — 53,400 Maben: — 603,550

⁴⁷Levi nyithu pi amizza kepapa kesa wi nyanzhüghu nsa,

⁴⁸kepaghenanye Apvüwa na Mosa wi kiza,

⁴⁹“No khathansha wi anyi aghi waya kemehaithu nyanzhüghu khe Levi mizza pi ciwi nchila.

⁵⁰Tsüti kesawa nye Levi nyi pi hi ketenpen Nithsüjjen nu ciwi keben tsanqai tsüdi kenonccathu sa thsülo. Mathu na tsü nu tsü tsanqaithu pvü nu tsüghena kekuli sa, nu mathu kemnanpen sapi tsü vüyaben.

⁵¹Khathansha wi nthu na kemnanpen ketsen wa khe Levi nyi na Nithsüjjen tsü pheghe nu tsü sen wa kemnanpen ketheü wi saneng ben. Anyi kesüle kesü lela Nithsüjjen tsü tetsaki keghowa ma pi shü thsüaben.

⁵²Israel nyi kepathu tsüdila akhang khang sala mathu kemnanpen saya, meshu kesüsü ma zi nu ma gei thsükizanki kenie wina saya.

⁵³Isala Levi nyithu na Nithsüjjen vüla kemnanpen sa nu tsü hie, isanu anyi kesüla tsü kete wi gho ileben keminu cüssi pi Israel nyithu miwi nchi thsüle kesalina.”

⁵⁴Tsalina Israel nyithu na Apvüwa na Mosa kekiza tsüdila sa.