Read Northern Rengma Naga SHICÜSI 2 Bible Online

SHICÜSI 2 - Northern Rengma Naga bible

SHICÜSI 2

¹Apvüwa na kecükegwe hathu pi Mosa nu Aaron manyi cü.

²Israel nyithu na kemnanpen kesa wi anyi kesüsü ma zi nu ma gei thsükizanki kenie wina kemnanpen saben. Kemnanpen sapi Nithsüjjen tsü vüla saben.

³Nishuwa, Judah zi thsükizanki cakhu wi mathu akhang khang sala mathu likesawa kekhu wi hati kemnanpen saben: [Amizza] — [Aliwa] — [Anyi] Judah — Amminadab tsa Nahshon — 74,600 Issakhar — Zuar tsa Nethanel — 54,400 Zebulun — Helon tsa Eliab — 57,400 — Maben — 186,400 Judah zi na atuwa sala alen tsenben.

¹⁰Acülawa, Reuben zi thsükizanki cakhu wi mathu akhang khang sala mathu likesawa cakhu wi hati kemnanpen saben: [Amizza] — [Aliwa] — [Anyi] Reuben — Shedeur tsa Elishur — 46,500 Simeon — Zurishaddai tsa Shelumiel — 59,300 Gad — Deuel tsa Eliasaf — 45,650 — Maben — 151,450 Reuben zi na keniwa sala alentsenben.

¹⁷Tsaseng wi azi atuwa keni nu asakhenwa keni jüwi tsü Levi nyithu na Nithsüjjen tsü pie nu alentsen. Azi kesüsü papa thsükizanki cakhu wi makesü keseniela alentsen wa kemnanpen saben.

¹⁸Niduwa, Efraim zi thsükizanki cakhu wi mathu akhang khang sala mathu likesawa kekhu wi hati kemnanpen saben: [Amizza] — [Aliwa] — [Anyi] Efraim — Ammihud tsa Elishama — 40,500 Manasseh — Pedahzur tsa Gamaliel — 32,200 Benjamin — Gideoni tsa Abidan — 35,400 — Maben — 108,100 Efraim zi na kechengwa sala alentsenben.

²⁵Aghawa, Dan zi thsükizanki cakhu wi mathu akhang khang sala mathu likesawa kekhu wi hati kemnanpen saben: [Amizza] — [Aliwa] — [Anyi] Dan — Ammishaddai tsa Ahiezer — 62,700 Asher — Okhran tsa Pagiel — 41,500 Naftali — Enan tsa Ahira — 53,400 — Maben — 157,600 Dan zi na asakhenwa sala alentsenben.

³²Israel nyithu tsüdi azi zi nu akhang khang sala nyanzhüghu keya na 603,550.

³³Apvüwa na Mosa kekiza ti Levi nyithu nyan pi Israel nyi kepathu gweghe nyan-nzhüghu.

³⁴Tsalina Israel nyithu na Apvüwa na Mosa kekiza tsüdila sa. Mathu papa gei thsükizanki cakhu wi alentsen nu kemnanpen sa.