Read Northern Rengma Naga 1 KORINTHNYI 13 Bible Online

1 KORINTHNYI 13 - Northern Rengma Naga bible

1 KORINTHNYI 13

¹Hi anyithu nu tangnyilothu jüh khiya ben lela keujüla hi nanketizen tsü nmi lethu, hi amighe kekihhe hhai tsüti saben.

²Hi atusenjüh-kechü kekhang ben; hi palakechü tsüdi ben nu kekuthi jjügi tsüdi chüshiya; hi kenondi tsüdi ben nu ayikhathu kesun pi bvü thsüya — isala keujüla hi nanketizen nmi lethu, hi mangla nye.

³Hi keben tsüdila pi nyu cü nu igwo lela pi mecang thsü — isala keujüla hi nanketizen nmi lethu, ha ighena kemehai mangla nmi.

⁴Nanketizen na lebenkesie nu keccaketssü; tsüna anyongho nkepvü, nkedithang, nkekapvü;

⁵nanketizen na ayencüki nkemehai, apvükemene, nu lebenketsu nye; nanketizen na nyu kesazzi cüki pi theng nten;

⁶nanketizen na nkemehai wi anonghe nten, isala atsentsawa wi anonghe den.

⁷Nanketizen na khiela teshi nten; nu kenondi, kaghang, nu kethankehikeya khiela nmila sa nten.

⁸Nanketizen na anuphan benden. Atusenjüh-kekhithu na nmi laben; ajüh ketheü kekhithu na nkhi laben; nu palakechü na asakhen saben.

⁹Kepaghenanye ithu palakechü nu atusenjüh-kekhi hana anuphan ji nye;

¹⁰isala anuphan jiwa tsüna gho lethu, anuphan ji nkenyewa ha nmi laben.

¹¹Hi ghanyi kesü sa keben tsüwi ijüh kekhi, ileben, nu kemeshen tsüdi wi hi ghanyi kesü ti sa; hi khili anyi keqhai kesü sadha, hi ghanyi yenthu tsü teshidha.

¹²Ithu khili mu keben hana ayena kesü wi aghayen mu keben ti kesa; isala tsashi wi ithu mehaitsü kemuliya den. Hi khili chükeben hana pahan ketan; isala tsashi wi Anyiza na icüki chücen keben ti tsü cenyaben.

¹³Ha kecheng na anuphan benden: kenondi, kaghang, nu nanketizen; nu hathu jawi keti ntsawa na nanketizen.