Read Northern Rengma Naga 1 KORINTHNYI 8 Bible Online

1 KORINTHNYI 8 - Northern Rengma Naga bible

1 KORINTHNYI 8

¹Khili nthu na atsse pi atsikezhüthu kekinyi cüki zhükechi tsü khi waden. Mathu na kekhi ti, ntsakhiwa, “Ithu tsüdila kechükeza kekhang na ben.” Isala kechükeza kekhang hati kesawa na anyi sa pi kapvü thsüden, isala nanketizen na sa pi mehaiya thsüden.

²Keujüla anyi kesü ma pala pahan chübenle meshen lethu, ma ntsakhiwa ma kechü-u npi chüya.

³Isala anyi thowa na Anyiza tizenten khe Anyiza na ma chüben.

⁴Tsalina atsse pi atsikezhüthu kekinyi tsü kedsa cüki: atsikezhü tsüna ayyi wi kahangli nmi, nu ciwi Anyiza kesütan benle kesa tsü ithu na chüben.

⁵Kepaghenanye atssan nu ayyi wi acenpvü le ci keten na ben, ntsakhiwa ciwi acenpvü nu apvüwa kejon na ben lela,

⁶ithu ghena tsü Anyiza kesütan, pala tsüdila Sahangkechiwa, nu ithu ma wina hang kebenwa Abawa tsüna ben; nu ciwi Apvüwa kesütan, ma wina pala tsüdila sa kechiwa, nu ithu ma wina hang kebenwa Jisu Khrista tsüna ben.

⁷Isala anyi tsüdila atsentsa hawa ha nchü. Anyi pahan na nansü kecu atsikezhüthu tsü sen nu tsüthu kekinyi tsse kedsa wi atsse tsüna atsikezhüthu ji le meshenden; mathu kechükeza nkekhang ghena atsse tsüna mathu nakhidha le saden.

⁸Isala atsse ghena ithu nu Anyiza jüwi mangla mehaiya nben; keujüla ithu na tsü ndsa lela kededi mangla nmi, nu tsü dsa lela kekiyi la mangla nmi.

⁹Isala kiden-kesha yalo, nthu kekuli wi mangla kekhenkeghe nkemi ghena kenondi wi nkezüthu sa pi kesami wi khulidu thsüthu yishü.

¹⁰Keujüla kechükeza nkekhang nyi kesü na nthu kechükeza benle khi ketenthu na atsikezhü kekinyijjen wi dsajjü keben muya lethu, tsüna atsse pi atsikezhüthu kekinyi tsü dsalo kesa ma kechü-kenong nben kwe?

¹¹Tsalina anyi kechükeza nkekhangwa, Khrista na ma ghena la shü ketheng ncünyuwa tsüna no “kechükeza” ghena ma dediaben le!

¹²Hati nu nthu na nthu cünyuthu tuwi sami nu mathu kechükeza nkekhang tsü yasa kesa wina nthu na Khrista tuwi sami ben.

¹³Tsalina keujüla atsse ghena icünyuwa sa pi sami thsüben lethu, hi khiela asa tsü ndsa nengdha, isanu icünyuwa sa pi kesami wi nkhulidu thsüle kesalina.