Read Northern Rengma Naga KOLOSSINYI 2 Bible Online

KOLOSSINYI 2 - Northern Rengma Naga bible

KOLOSSINYI 2

¹Hi ya nthu ghena nu anyi Laodikea wi kebenthu ghena nu kepathu hi nkechüthu tsüdi ghena khatila apiketsü sa kuli khe pi nthu kiza thsülo.

²Mathu ya kempvüza pi pongya nu ketizen wi saghuya, nu keben ntsawa tsü chütiya nu atsentsa chüshikeya benya thsüle kesalina hi ha saben. Hati nu mathu na Anyiza wi kekuthi Khrista cükiwa tsü chüyaben.

³Ma Anyiza wi kemetsa nu palakechü keben kekuthi tsüdi pi kechü thsüwa tsü.

⁴Hi nthu kizaden, anyi thola milikemesa jühkhi kemehai sen nu nthu nmechu thsü lalo, mathu na mehai ntsawa saben lela.

⁵Kepaghenanye hi asajjü wi nthu gweghe nben lela aghamu wi nthu gweghe ben, nu hi nthu na Khrista kenondi wi gweghe zükeqhe ngan benle cen kesa tsü mu pi inonghe ben.

⁶Nthu na Jisu Khrista pi Apvüwa saya kesa tsüti ma wi hangki ben tenlo.

⁷Pi nthu sansi kecü tsüti ma wi nthu ghazan chaya, ma wi hang, nu nthu kenondi zü pfü yalo. Nu keseng khukechi pi nthu pongya.

⁸Isanu anyi kesüla Khrista wina kegho nkenye kesansijüh, anyithu nu atssan ghamuthu wina kegho anyi kemeshen ma men nkemi nu kemechu kemetsa tsü pi nthu sa pi amagha nsa thsüla.

⁹Kepaghenanye Khrista na asajjü wi hang keben wi Anyiza yencüki na ma miwi ben,

¹⁰nu ma wina kahang cencu keya tsü pi nthu cüdha. Ma aghamulen wi kekhang kesen nu kekhang tsüdi miwi kediwa.

¹¹Khrista wina nthu na ahyuhandha, nthu hyukahan tsüna anyi na nyela Khrista na nthu hyuhandha, tsüna kesami kekhang wina nthu lishayadha.

¹² Kepaghenanye nthu na baptaiz kesa wi pi Khrista gweghe vhüdha, nu nthu na baptaiz kesa wi nthu kenondi ghena Anyiza kekhang na keshü wi ma sa pi hang kecüwa Khrista gweghe la shaghadha.

¹³ Nthu na kutijü wi nthu kesami ghena nu Judah nyi nkenye sa nu Ayenwa nkemi ghena aghamulen wi keshü sa. Isala Anyiza na khilitsü nthu ssigho Khrista gweghe kahang wi chicüdha. Anyiza na ithu kesamithu tsüdi teshi cü;

¹⁴ ayenthu kenie wina ithu cüki nkemehai zhü ketheng tsü ma nyen pidha, nu kross miwi kejen wi tsü yasatha sadha.

¹⁵Nu Khrista na ma ketanla kross miwi na aghamulen wi kekhang kesenthu nu kekhangthu kekhang wina ma ketanla ma lishayadha; ma khangkeya kenonkhi wi mathu pi atssüzü sala ssinu anyithu ya mathu kaghang sa thsüdha.

¹⁶ Tsalina anyi thola nthu na kedsakejjü, atsathang kemechan, Asha Ketheü Kho, nyelela Sabbath tsathang cükithu ghena nthu nmeshensa thsüla.

¹⁷Hathu ha tsüdila ashiseng wi gho keten ghayen ketan; atsentsa tsüna Khrista.

¹⁸Anyi thola ma kemanthi mukeya, milikemesa wi satemeni, nu tangnyilothu kekinyi hathu ghena nyu miwi mehaiki le sala nthu miwi nkhang thsüla. Kepaghenanye anyi hati kesa tsüna asajjü wi kemeshen ghena kaghacang nu ajjügi mangla nmi,

¹⁹ nu agwo wi aliwa Khrista wi tsü nben laden. Khrista kekhang wina agwo mabenla ahatha nu ma yenthu na kizanghuli pvü nu shigü ben, nu tsüna Anyiza kenen wi shigü waben.

²⁰Nthu na Khrista gweghe shüdha, nu atssan ayyi ghamuthu kekhang wi nthu lishachidha. Isalethu, mangkesa nthu na ayyi hawa nyithu ti hangten nu? Nthu mangkesa na ayen hati ha

²¹“Ha npala,” “Katsü ndsala,” “Kepa la npala,” kesa tsü nieten nu?

²²Hathu ha tsüdila kheni sengho lela nansü tsü kaghacang sadha; tsüthu tsü anyi na kesa yenthu nu kesansijühthu.

²³Ayen hathu hana kemetsa wina keshhugho ti nyu meten pi tangnyilothu kinyi, milikemesa satekemeni, nu asajjü meten-mesha thsüden; isala mathu asajjü kenmvu kekheneng tsü ma men mangla nmi.