Read Northern Rengma Naga 1 JOHAN 1 Bible Online

1 JOHAN 1 - Northern Rengma Naga bible

1 JOHAN 1

¹Ikhang na adechhü wina keten kahang jüh cüki tsü zhü pi nthu cüben. Ikhang na tsü zaya nu anyon pi tsü muyadha; ikhang na tsü muya, nu akwen pi tsü payadha.

²Kahang ha mutha keshhugho wi ikhang na tsü muyadha; tsalina ikhang na tsü cüki khi nu Abawa wi anuphan kahang keben pi ikhang ccüca kechi cüki tsü pi nthu kizaben.

³Ikhang na Abawa nu ma Tsawa Jisu Khrista gweghe ashukesa wi tsü nthu la ithu gwegheya thsüle kesalina ikhang na ikhang mukeya nu zakeya tsü pi nthu la kizadha.

⁴Ikhang na nthu nonkeghe cenya thsüle kesalina ha zhü chiben.

⁵Ikhang na ma Tsawa wi ketsijüh zaya nu pi nthu kiza kebenwa na ha: Anyiza na kewegü, nu ma wi kejang nmitha.

⁶Keujüla ithu na ma gweghe ashukesa wi benten le khi nu kejang wi hang ten lethu, ithu na milimesa nu atsentsawa tsü sa nben.

⁷Isala keujüla ma kewegü, wi keben tsüti ithu la kewegü wi hang ten lethu, ithu na khokho ssinu gweghe ashukesa wi ben, nu ma Tsawa, Jisu jjü na kesami tsüdi wi ithu satemetha cüben.

⁸Keujüla ithu na kesami nmi le khithu, ithu ketanla ithu mechuben, nu atsentsawa tsüna ithu miwi nmi.

⁹Isala keujüla ithu kesami khishi pi Anyiza wi chi lethu, ma ajühtsentsa nu ketsatan saben; ma ithu kesamithu teshi cü nu nketsatan tsüdi wi ithu satemetha cüben.

¹⁰Keujüla ithu na kesami nsale khi lethu, ithu na Anyiza pi milikemesa saben, nu ma jüh na ithu wi nmi.