Read Northwest Gbaya KU̧U̧NAŊMƆ 36 Bible Online

KU̧U̧NAŊMƆ 36 - Northwest Gbaya bible

KU̧U̧NAŊMƆ 36

¹O bezaŋ Esau nɛ̀ duk nɛ́ Edɔm nɛ́ mɔ'ɔ.

²Nɛ́ sɛn mgbara o boko be Kanaŋ, a̧ Esau baa kóò sɛnɛ. A̧ baa nɛ́ Ada boko-bem ko Elɔŋ be Hit, Oholibama, boko-bem ko Ana, bem ko Sibɛɔŋ be Hiv, in

³Basmat boko-bem ko Ismaɛl boko-nya Nɛbayot.

⁴Ada koo Elifaz ha̧ Esau, Basmat koo Reuɛl,

⁵Oholibama koo Yɛus, Yalam in Kora. Ɛ̧ɛ̧ nɛ́ nin o bem nɛ̀ Esau koo sɛn Kanaŋ.

⁶Nɛ́ mɔ'ɔ nɛ̀ Esau kaia o okoo, o bem in o boko-bem kɔ‘i gu nɛ o bíí kɔ̧ tua lɛŋ, o gíí mɔ-dai in o sami in o gbadua kɔ‘i, mɔ nɛ‘i tɔ̧‘e mbɔi kɔ̧-a̧ lɛŋ n'aa kpaa sɛn nú Kanaŋ, ɓɛɛ a̧ yak si ŋma fara si sɛn Sɛir nyɛi̧ nɛ̀ nya kɔ̧-a̧ Jakob,

⁷wen wa a̧a̧ so nɛ̀ dɔka kpaamɔ nyɛmna. Wa nyɛm so wen yaa kpɔk fara in ŋmaa na, wen nù nɛ wa pia so sɛnɛ‘i nyɛm wen gíí mɔ-dai kɔ-wa na.

⁸Hegɔ Esau ɔɔ kɔ‘i mgbara kaya Sɛir; nin Esau nɛ́ Edɔm mbɛt.

⁹Ɛ̧ɛ̧ nɛ́ bezaŋ Esau, dáà ko o be Edɔm, mgbara kaya Sɛir.

¹⁰Nin o bem ko Esau nɛ́ mɔɔ nɔ'ɔ: Elifaz, nɛ̀ kóò kɔ̧-a̧ Ada koo ha̧ a̧, in Reuɛl nɛ̀ kóò kɔ̧-a̧ Basmat koo ha̧ a̧.

¹¹O bem nɛ̀ Elifaz koo nɛ́ Teman, Omar, Sɛfɔ, Gaɛtam, Kɛnaz;

¹²Timna nɛ̀ duka nɛ́ ŋma kóò ko Elifaz bem ko Esau mbɛt koo Amalɛk ha̧ a̧. Ɛ̧ɛ̧ nɔ'ɔ nɛ́ o bem ko Ada, kóò ko Esau.

¹³O bem ko Reuɛl nɛ́ Nahat, Zera, Sama in Miza; wa nɛ́ o bem ko Basmat, kóò ko Esau.

¹⁴Ɛ̧ɛ̧ nɔ'ɔ nɛ́ o bem ko Oholibama, boko-bem ko Ana, bem ko Sibɛɔŋ. Oholibama koo Yɛus, Yalam in Kora ha̧ Esau.

¹⁵O gasawi ko o bem ko Esau nɛ́ mɔɔ nɔ'ɔ: o bem ko Elifaz kaya-bem ko Esau nɛ́ Teman, Omar, Sɛfɔ, Kɛnaz,

¹⁶Kora, Gaɛtam in Amalɛk. O bem ko Elifaz nɛ̀ duka nɛ́ o gasawi nú-gara Edɔm nɛ́ mɔɔ nɔ‘i, wa lɛŋ nɛ́ o bem ko Ada.

¹⁷O bem ko Reuɛl, bem ko Esau nɛ́ mɔ'ɔ: Nahat, Zera, Sama in Miza. O bíí nɛ̀ duka nɛ́ gasawi nú-gara sɛn nú Edɔm nɛ̀ gboo nɛ̀ tɛ́ Basmat kóò ko Esau nɛ́ mɔɔ nɔ‘i.

¹⁸O bem ko Oholibama kóò ko Esau nɛ mɔ'ɔ: Yɛus, Yelam, in Kora; o gasawi nú-gara nɛ gboo nɛ tɛ Oholibama boko-bem ko Ana kóò ko Esau nɛ́ mɔɔ nɔ‘i.

¹⁹O wi nɔ‘i nɛ́ o bem ko Esau, ɓɛɛ wa nɛ́ o gasawi nú-gara kɔ-wa. Esau nɛ́ Edɔm.

²⁰O bem ko Sɛir be Hɔr, o kuti-wi nɛ̀ ɔɔ tɛ nù‘i nɛti nɛ́ mɔɔ nɔ'ɔ: Lotaŋ, Sɔbal, Sibɛɔŋ, Ana,

²¹Disɔŋ, Esɛr in Disaŋ. O bem ko Sɛir nɛ̀ yaa nɛ́ gasawi nú-gara Hɔr sɛn nú Edɔm nɛ́ mɔɔ nɔ‘i.

²²O bem ko Lotaŋ so nɛ́ Hɔri in Hemam; Timna duka nɛ́ boko-nya Lotaŋ.

²³O bem ko Sɔbal nɛ́ Alwan, Manahat, Ebal, Sɛfɔ in Onam.

²⁴O bem ko Sibɛɔŋ nɛ́ Aya in Ana. Nɛ́ Ana a̧ kpaa so kpút-kpút-wee-yì sɛn ŋga-gbárà, ŋgimbi n'aa daia so nɛ o tuifuu ko dáà kɔ̧-a̧ Sibɛɔŋ.

²⁵O bem ko Ana nɛ́ mɔ'ɔ: Disɔŋ in Oholibama. Oholibama duka nɛ́ be-okoo.

²⁶O bem ko Disaŋ nɛ́ Hɛmdan, Ɛsbaŋ, Yitran in Kɛraŋ.

²⁷O bem ko Esɛr nɛ́ Bilaŋ, Zawaŋ in Akaŋ.

²⁸O bem ko Disaŋ nɛ́ Us in Araŋ.

²⁹O gasawi nú-gara ko Hɔr nɛ́ mɔɔ nɔ'ɔ: Lotaŋ, Sɔbal, Sibɛɔŋ, Ana,

³⁰Disɔŋ, Esɛr in Disaŋ. O gasawi nú-gara ko Hɔr nyɛm nɛ̀ ɗoŋ duk kɔ-wa sɛn nú Sɛir nɛ́ mɔɔ nɔ‘i.

³¹Ɛ̧ɛ̧ nɔ'ɔ nɛ́ o wannu nɛ̀ ɔɔ wan sɛn Edɔm nɛti, sɛka ŋma bezaŋ Israɛl ku̧ naŋ ɔɔ wan.

³²Bɛla bem ko Bɛɔr ɔɔ wan zu nú Edɔm, ɓɛɛ nin gasa saaye kɔ̧-a̧ nɛ́ Dinaba.

³³Bɛla fea, ɓɛɛ Yobab bem ko Zera, be Bɔsra ba wan oi-aa.

³⁴Yobab fee kɔ‘i, ɓɛɛ Husam be-nù tɛ zuduk ko o be Teman ba wan oi-aa.

³⁵Husam fea, ɓɛɛ Hadad bem ko Bedad ɔ wan oi-aa. Nɛ́ Hadad a̧ baa biro duk nɛ̀ Madiaŋ ɓɛɛ gan a̧ sɛn nú Mɔab. Nin gasa ye kɔ̧-a̧ duka nɛ́ Avit.

³⁶Hadad fea, ɓɛɛ Samla, be Asreka ɔ wan oi-aa.

³⁷Samla fea, ɓɛɛ Saul be Rehobot, be-ká̧-zaŋ Efrat ɔ wan oi-aa.

³⁸Saul fea, ɓɛɛ Bal-Hanaŋ bem ko Akbɔr ɔ wan oi-aa.

³⁹Bal-Hanaŋ bem ko Akbɔr fea, ɓɛɛ Hadad ɔ wan oi-aa. Nin gasa ye kɔ̧-a̧ duka nɛ́ Pau. Nin kóò kɔ̧-a̧ duka nɛ́ Mɛhɛtabɛl, boko-bem ko Matrɛd, be Mɛzahab.

⁴⁰Nin o gasawi nú-gara ko Esau nyɛm nɛ ɗoŋ duk kɔ-wa in o ye kɔ-wa nɛ́ mɔ'ɔ: Timna, Alwa, Yɛtɛt,

⁴¹Oholibama, Ela, Pinɔŋ,

⁴²Kɛnaz, Teman, Mibsar,

⁴³Magdiɛl ká bá nɛ̀ Iram. O gasawi ko Edɔm nyɛm nɛ ɗoŋ o ye kɔ-wa, nɛ̀ wa yaa sɛnɛ nɛ́ mɔɔ nɔ‘i. Tugun Edɔm nɛ́ Esau.