Read Northwest Gbaya KU̧U̧NAŊMƆ 5 Bible Online

KU̧U̧NAŊMƆ 5 - Northwest Gbaya bible

KU̧U̧NAŊMƆ 5

¹Kalata pɛ́r-nam ko Adam nɛ́ mɔ'ɔ. (Wese nɛ Sɔ̧ dee nɛ bíí, a̧ dee bíí hɔ ŋmaa in a̧.

²A̧ dee wiwii in okoo; a̧ toka de yoŋgo zu wa, ɓɛɛ a̧ a nin-wa'e «bíí», wese n'aa dee nɛ wa.)

³Ŋgimbi nɛ Adam kpaa pɛ 130, a̧ koo be-wiwii nɛ hɔɔ ŋmaa in a̧, ɓɛɛ a̧ sa nin bem’ɛi nɛ́ Sɛt.

⁴Ɗoŋ nɛ Adam koo Sɛt kaɗi, a̧ duka zu nù pɛ 800; a̧ koo o be-wiwii in o be-okoo.

⁵Adam duka zu nù pɛ 930, ɓɛɛ a̧ fe.

⁶Sɛt kpaa pɛ 105, ɓɛɛ a̧ ko Enɔs.

⁷Ɗoŋ koo Enɔs, Sɛt duka pɛ 807; a̧ koo o be-wiwii in o be-okoo.

⁸Sɛt duka zu nù pɛ 912, ɓɛɛ a̧ fe.

⁹Ŋgimbi nɛ Enɔs kpaa pɛ 90, ɓɛɛ a̧ ko Kenaŋ.

¹⁰Ɗoŋ koo Kenaŋ, Enɔs duka pɛ 815; a̧ koo o be-wiwii in o be-okoo.

¹¹Enɔs duka zu nù pɛ 905, ɓɛɛ a̧ fe.

¹²Ŋgimbi nɛ Kenaŋ kpaa pɛ 70, ɓɛɛ a̧ ko Mahalalɛl.

¹³Ɗoŋ koo Mahalalɛl, Kenaŋ duka pɛ 840; a̧ koo o be-wiwii in o be-okoo.

¹⁴Kenaŋ duka zu nù pɛ 910, ɓɛɛ a̧ fe.

¹⁵Mahalalɛl kpaa pɛ 65, ɓɛɛ a̧ ko Yɛrɛd.

¹⁶Ɗoŋ koo Yɛrɛd, Mahalalɛl duka zu nù pɛ 830; a̧ koo o be-wiwii in o be-okoo.

¹⁷Mahalalɛl duka zu nù pɛ 895, ɓɛɛ a̧ fe.

¹⁸Yɛrɛd kpaa pɛ 162, ɓɛɛ a̧ ko Enɔk.

¹⁹Ɗoŋ koo Enɔk, Yɛrɛd duka pɛ 800; a̧ koo o be-wiwii in o be-okoo.

²⁰Yɛrɛd duka zu nù pɛ 962, ɓɛɛ a̧ fe.

²¹Enɔk kpaa pɛ 65, ɓɛɛ a̧ ko Matusalɛm.

²²Ɓɛɛ Enɔk nɛ nɔ̀ in Sɔ̧ tɛ pɛ 300 ɗoŋ koo Matusalɛm; a̧ koo o be-wiwii in o be-okoo.

²³Enɔk duka zu nù pɛ 365.

²⁴Enɔk nɛɛ nɔ̀ in Sɔ̧, hegɔ Sɔ̧ baa a̧ nɛ yí.

²⁵Matusalɛm kpaa pɛ 187, ɓɛɛ a̧ ko Lamɛk.

²⁶Ɗoŋ koo Lamɛk, Matusalɛm duka zu nu pɛ 782; a̧ koo o be-wiwii in o be-okoo.

²⁷Matusalɛm duka zu nù pɛ 969, ɓɛɛ a̧ fe.

²⁸Ŋgimbi nɛ Lamɛk kpaa pɛ 182, ɓɛɛ a̧ ko be-wiwii kpɔk.

²⁹A̧ aa nin bem’ɛi Nɔe tɔ̧ nɛnɛ‘e: «Wi’ɛ tɛ ha̧ nɔɔ-ŋgiɗi h’ɛ́ɛ́ tɛ tom k’ɛɛ in tɛ bɔnɛ tom n’ɛɛ de nɛ er yɛ tɛ nù nɛ GASA WAN baa fom so.»

³⁰Ɗoŋ koo Nɔe, Lamɛk duka pɛ 595; a̧ koo o be-wiwii in o be-okoo.

³¹Lamɛk duka zu nù pɛ 777, ɓɛɛ a̧ fe.

³²Ŋgimbi nɛ Nɔe kpaa nɛ pɛ 500, ɓɛɛ a̧ ko Sɛm, Kam in Jafɛt.