Read Northwest Gbaya 1 WANNU 4 Bible Online

1 WANNU 4 - Northwest Gbaya bible

1 WANNU 4

¹Wannu Salomɔŋ ɔɔ wan sɛn nú Israɛl lɛŋ.

²O gasa wi-duk-zu tom kɔ̧-a̧ nɛ́ mɔɔ nɔ'ɔ: Azaria bem ko Sadɔk duka nɛ́ wi-ɗafi-sɔ̧.

³Eliɔrɛf in Ahiya, o bem ko Sisa nɛ́ o wi-yɔr-kalata; Josafat bem ko Ahilud nɛ́ wi-we-ɗoŋ mɔ.

⁴Bɛnaya bem ko Yehoyada nɛ́ wi-duk-zu o wi-biro. Sadɔk in Abiatar nɛ́ o wi-ɗafi-sɔ̧.

⁵Azaria bem ko Nataŋ nɛ́ wi-duk-zu o gasawi. Zabud bem ko Nataŋ nɛ́ wi-ɗafi-sɔ̧ in sɛm ko wannu.

⁶Gasa wi-zɔk-kira ko wannu nɛ́ Ahisar, ɓɛɛ Adoneram bem ko Avda nɛ́ wi-duk-zu o ŋga-tom.

⁷Salomɔŋ a̧a̧ so nɛ̀ gasa wi-duk-zu zika-nù ɓu-zua-yiitoo sɛn nú Israɛl lɛŋ. Zaŋ fio-zɛ kpɔk kpɔk tɛ pɛ kpɔk kpɔk, ŋma mgbara o gasa wi-duk-zu zika-nú nɔ‘i ba nɛ nyɔŋmɔ tɛnɛ ha̧ wannu in o bíí kɔ̧ garo kɔ̧-a̧.

⁸O wi nɔ‘i nɛ́ mɔɔ nɔ'ɔ: Bem ko Hur nɛ̀ zu kaya Efraim;

⁹bem ko Dɛkɛr nɛ̀ nú Makas in Salɛbim, nú Bɛt-Sɛmɛs in nú Elɔŋ sɛn Bɛtanaŋ;

¹⁰bem ko Hesɛd nɛ̀ nú Arubot; kɔ̧-a̧ so nɛ́ nú Soko in nú Hefɛr lɛŋ;

¹¹bem ko Abinadab: kɔ̧-a̧ nɛ́ zu kaya Dɔr lɛŋ; a̧ baa so nɛ́ Tafat be-okoo ko Salomɔŋ;

¹²Bana bem ko Ahilud ndɛma kɔ‘i nyɔŋmɔ sɛn nú Tanak in Mɛgido in Bɛt-Seaŋ nɛ̀ oi-aa lɛŋ hɔ sɛn Yoknɛam; nú Bɛt-Seaŋ a̧a̧ katɛ Sartaŋ nɛ̀ duk nɛ̀ ɗɔɔ ha̧ nú Yizreɛl, ku̧u̧naŋ-a nɛ̀ Bɛt-Seaŋ gɔm Abɛl-Mɛhola, hɔ́ ɗoŋ Yokmɛam nɛ̀ ɓii.

¹³Bem ko Gebɛr mɔi̧a kɔ‘i nyɔŋmɔ saaye Ramot nú Galad; o be ye ko Yair bem ko Manase zii nɛ̀ a̧, in nú Argɔb sɛn Basaŋ mbɛt, gasa ye ɓu-mɔɔrɔ-ɗoŋ-kpɔk nɛ̀ o garo nɛ‘i man nú wa man nɛ̀ ndɛrɛ a̧a̧ hi̧i̧.

¹⁴Ahinadab bem ko Ido mɔi̧a kɔ‘i nyɔŋmɔ sɛn Mahanayim.

¹⁵Ahimas mɔi̧a kɔ‘i nyɔŋmɔ sɛn nú Nɛftalii; nɛ́ a̧ a̧ baa so Basmat be-okoo ko Salomɔŋ nɛ̀ kóò.

¹⁶Bana bem ko Husai mɔi̧a nyɔŋmɔ sɛn nú Asɛr in Bealot.

¹⁷Josafat bem ko Parua mɔi̧a kɔ‘i sɛn nú Isakar.

¹⁸Simɛi bem ko Ela mɔi̧a kɔ‘i sɛn nú Bɛnjamin.

¹⁹Gebɛr bem ko Urii mɔi̧a so kɔ‘i nyɔŋmɔ sɛn nú Galad nɛ̀ duka so nɛti nɛ́ nù ko Sihɔŋ, wannu ko o be Amɔr in ko Og, wannu Basaŋ. Zu-a'i ŋma gasawi a̧a̧ sɛnɛ woyo nɛ̀ duka so zu nù Juda nɛ̀ oi-aa lɛŋ.[2]

²⁰Ŋgimbi'i, o be Juda in o be Israɛl dɔka so hee nyɛmɛ ká̧ gba-tɔp ga. Wa a̧a̧ so nɛ̀ mɔɔ-nyɔŋ in mɔɔ-nɔ nɛ̀ dɔka-a, ɓɛɛ wa ya nɛ̀ desee.