Read Northwest Gbaya 1 KALATA NYƐRƐ 24 Bible Online

1 KALATA NYƐRƐ 24 - Northwest Gbaya bible

1 KALATA NYƐRƐ 24

¹Dùk o bezaŋ Arɔŋ nɛtɛ nɛtɛ a̧a̧ so sɛnɛ. O bem ko Arɔŋ nɛ́ Nadab, Abihu, Eleazar in Itamar.

²Nadab in Abihu fee nɛti ha̧ dáà kɔ-wa, be-wiwii bo na; hegɔ, wa ha̧a̧ tom ɗafa-sɔ̧ ha̧ Eleazar in Itamar.

³David in Sadɔk bezaŋ Eleazar bá nɛ̀ Ahimɛlɛk bezaŋ Itamar kɛ̧ɛ̧ o wi-ɗafi-sɔ̧ nyɛm nɛ̀ ɗoŋ tom kɔ-wa.

⁴Wiwii dɔka so mgbara o bezaŋ Eleazar gan ko Itamar. Tɛ bezaŋ Eleazar wa kɛ̧ɛ̧ nutua ɓu-zua-mɔɔrɔ-ɗoŋ-kpɔk nɛ̀ o gasawi zu wa, ɓɛɛ ko o bezaŋ Itamar nɛ́ mɔɔrɔ-ɗoŋ-taar.

⁵Wa pi̧i̧ tani kɛ̧ nɛ̀ wa wen o gasawi sa̧a̧-fara in o gasawi ko Sɔ̧ a̧a̧ so mgbara o bezaŋ Eleazar hee mgbara o bezaŋ Itamar ga mbɛt.

⁶Sɛmaya, ŋma be Levii bem ko Nɛtanɛl wi-yɔr-mɔ yɔra nin-wa sɛn ti wannu, ti o gasawi, ti Sadɔk wi-ɗafi-sɔ̧, ti Ahimɛlɛk bem ko Abiatar in ti o gasawi nutua ko o wi-ɗafi-sɔ̧, in ti o bezaŋ Levii. Wa pi̧i̧ tani war yiitoo ba nɛ̀ bíí yiitoo nutua ko Eleazar, ɓɛɛ wa pi̧ tani war kpɔk ba nɛ̀ bíí kpɔk nutua ko Itamar.

⁷Kuti tani baa Yɛhɔyarib, yiitoo tani baa Yɛdaya,

⁸taar-a baa Harim, naar-a baa Sɛɔrim,

⁹mɔɔrɔ-a baa Malkia, mɔɔrɔ-ɗoŋ-kpɔk-a baa Miyamin,

¹⁰mɔɔrɔ-ɗoŋ-yiitoo-aa baa Hakɔs, mɔɔrɔ-ɗoŋ-taar-a baa Abia,

¹¹mɔɔrɔ-ɗoŋ-naar-a baa Yesua, ɓu-a baa Sɛkania,

¹²ɓu-zua-kpɔk-a baa Eliasib, ɓu-zua-yiitoo-aa baa Yakim,

¹³ɓu-zua-taar-a baa Hupa, ɓu-zua-naar-a baa Yɛsɛbɛab;

¹⁴ɓu-zua-mɔɔrɔ-a baa Bilga; ɓu-zua-mɔɔrɔ-ɗoŋ-kpɔk-a baa Imɛr,

¹⁵ɓu-zua-mɔɔrɔ-ɗoŋ-yiitoo-aa baa Hɛzir, ɓu-zua-mɔɔrɔ-ɗoŋ-taar-a baa Hapisɛs,

¹⁶ɓu-zua-mɔɔrɔ-ɗoŋ-naar-a baa Pɛtaya, ɓu-yiitoo-aa baa Ezekiɛl,

¹⁷ɓu-yiitoo-zua-kpɔk-a baa Yakin, ɓu-yiitoo-zua-yiitoo-aa baa Gamul,

¹⁸ɓu-yiitoo-zua-taar-a baa Delaya; ɓɛɛ ɓu-yiitoo-zua-naar-a ba Mazia.

¹⁹Kɛ̧ɛ̧ bíí a tɛ tom wen yee Tua ko GASA WAN nyɛm nɛ̀ ɗoŋ tɔ̧ɔ̧-wen nɛ̀ GASA WAN Sɔ̧ ko Israɛl tɔ̧ɔ̧ ha̧ dáà kɔ-wa Arɔŋ nɛ́ mɔ‘i.

²⁰O ŋma bezaŋ Levii nɛ̀ ɓɔna nɛ́ mɔɔ nɔ'ɔ: mgbara o bezaŋ Amram duka nɛ́ Subaɛl, ɓɛɛ mgbara o bezaŋ Subaɛl nɛ́ Yɛdaya.

²¹Ko Rɛhabia in o bezaŋ-aa nɛ́ Isia gasawi.

²²Ko o bezaŋ Isia nɛ́ Sɛlɔmɔt, ko o bezaŋ Sɛlɔmɔt nɛ́ Yahat;

²³ko o bezaŋ Hebrɔŋ duka nɛ́ kuti-wi Yɛria, Amaria yiitoo bíí, Yaziɛl taar-a, sɛka Yekamam naar-a.

²⁴Bem ko Uziɛl nɛ́ Mika; mgbara o bezaŋ Mika nɛ́ Samir.

²⁵Nya Mika duka nɛ́ Isia; mgbara o bezaŋ Isia nɛ́ Zakarii.

²⁶O bem ko Mɛrari nɛ́ Mali, Musi in Yazia.

²⁷O bezaŋ Mɛrari nɛ̀ ɗoŋ bem kɔ̧-a̧ nɛ́ Sɔham, Zakur in Ibri.

²⁸Ko Mali nɛ́ Eleazar nɛ̀ kpa so kɔ‘i be-wiwii na,

²⁹in Kis nɛ̀ ŋma bem kɔ̧-a̧ so nɛ́ Yerameɛl.

³⁰O bem ko Musi nɛ́ Mali, Edɛr in Yɛrimɔt. O be Levii nyɛm nɛ̀ ɗoŋ nutua kɔ-wa kpɔk kpɔk nɛ́ mɔɔ nɔ‘i.

³¹Wa mbɛt, wa pi̧i̧ tani, hee o nya-wa o bezaŋ Arɔŋ ga ti wannu David, ti Sadɔk, ti Ahimɛlɛk, ti o gasawi nutua ko o wi-ɗafi-sɔ̧ in ti o bezaŋ Levii. Tɛ mɔ‘i, kɛ̧ɛ̧-mgbara-mɔ bo wen nutua ko kaya-wi in nutua ko be-ɗoŋ na.