Read Northwest Gbaya 1 KALATA NYƐRƐ 4 Bible Online

1 KALATA NYƐRƐ 4 - Northwest Gbaya bible

1 KALATA NYƐRƐ 4

¹O bem ko Juda nɛ́ Pɛrɛs, Hɛsrɔŋ, Karmi, Hur in Sɔbal.

²Rɛaya bem ko Sɔbal koo Yahat, ɓɛɛ Yahat ko Ahumai in Lahad; wa lɛŋ nɛ́ o bíí nú-gara ko Sɔrɛa.

³O bem ko Hur nɛ́ Etam, Yizreɛl, Yisma in Yidbas; nin boko-nya-wa duka nɛ́ Hasɛlɛlpɔni;

⁴a̧ koo Pɛnuɛl, wi nɛ̀ ku̧u̧ naŋ ye Gɛdɔr, in Ezɛr, wi nɛ̀ ku̧u̧ naŋ ye Husa mbɛt. Nin o bem ko Hur nɛ́ mɔɔ nɔ‘i. A̧ nɛ́ kaya-bem ko Efrata, ɓɛɛ nɛ a̧‘i a̧ ku̧u̧ so naŋ ye Bɛtlɛhɛm.

⁵Asɛhur, wi nɛ ku̧u̧ naŋ ye Tɛkɔa, baa so kóò yiitoo; Hɛlɛa in Naara.

⁶Naara koo Ahuzam, Hɛfɛr, Teman in o bezaŋ, bá nɛ̀ Ahastar in o bezaŋ mbɛt. O bem ko Naar-a nɛ́ mɔɔ nɔ‘i.

⁷O bem ko Hɛlɛa nɛ́ Sɛrɛt, Sɔhar in Ɛtnaŋ.

⁸Kos koo Anub in Hasɔbɛba; a̧ nɛ́ zɔmdáa ko o bíí nú-gara ko Aharɛl bem ko Harum mbɛt.

⁹Yabɛs duka so nɛ́ tu̧u̧-tɛ bíí mgbara o nya-a̧, ɓɛɛ nàà kɔ̧-a̧ sa nin-a Yaebɛs, mɛ̀ nɛ́ wen nɛ tɔ̧: «Kòò-tɛ́-bɔnɛ.»

¹⁰Yaebɛs kɔfa Sɔ̧ ko Israɛl tɔ̧ nɛnɛ‘e: «K’ɛ̀nɛ̀ tók de yoŋgo zu'm nɛ̀ mbetɛ, ɛ́nɛ́ tɛ de ha̧ nù kɔ‘m mɛ gasi, ɛ́nɛ́ tɛ duk in am, ɓɛɛ ɛ́nɛ́ ndaka ɗaŋmɔ yinɛ wen ká‘m tɛ̀ɛ́ zɔk bɔnɛ.» Ɓɛɛ Sɔ̧ kpɛk mɔ n'aa aka'i.

¹¹Kɛlub nya Suha koo Mɛhir nɛ̀ duka nɛ́ dáà ko Ɛstɔŋ.

¹²Ɛstɔŋ koo Bɛt-Rafa, Pasɛa in Tɛhina, wi nɛ ku̧u̧ naŋ ye Nahas. Wa nɛ́ o bíí Hɛka.

¹³O bem ko Kɛnaz nɛ́ Otniɛl in Sɛraya. Bem ko Otniɛl nɛ́ Hatat;

¹⁴Mɛɔnatai koo Ofra, ɓɛɛ Sɛraya ko Yɔab zɔmdáa ko o wi-dui-mɔ nɛ̀ yaa so kɔ̧ ɗɔŋgɔ ko o Wi-dui-mɔ.

¹⁵Kalɛb bem ko Yefunɛ koo Iru, Ela in Naam, ɓɛɛ Ela ko Kɛnaz.

¹⁶O bem Ko Yɛhalɛlɛl nɛ́ Zif, Zifa, Tiria in Asareɛl.

¹⁷O bem ko Ɛzra nɛ́ Yɛtɛr, Mɛrɛd, Efɛr in Yalɔŋ. Mɛrɛd baa Bitia boko-bem ko wannu Egiptɛ ko nɛ̀ Miriam, Samai in Yisba, wi nɛ̀ ku̧u̧ naŋ ye Ɛstɛmɔa. A̧ baa so ŋma zɔŋa Juda nɛ kóò mbɛt, ko nɛ̀ Yɛrɛd, wi nɛ̀ ku̧u̧ naŋ ye Gɛdɔr, in Hɛbɛr, wi nɛ̀ ku̧u̧ naŋ ye Sɔkɔ, ba nɛ̀ Yɛkutiɛl, wi nɛ̀ ku̧u̧ naŋ ye Zanɔa.

¹⁹Hɔdia baa boko-nya Naham nɛ̀ kóò; o bezaŋ-wa so nɛ́ o be Garmi nɛ̀ yaa so Kɛila in o be Maka nɛ̀ yaa so Ɛstɛmɔa.

²⁰O bem ko Simɔŋ nɛ́ Amnɔŋ, Rina, Bɛn-Hanaŋ in Tilɔŋ. O bem ko Yisɛi nɛ́ Zɔhɛt in Bɛn-Zɔhɛt.

²¹O bezaŋ Sɛla, bem ko Juda nɛ́ Ɛr, wi nɛ̀ ku̧u̧ naŋ ye Lɛka, Lada wi nɛ̀ ku̧u̧ naŋ ye Marɛsa, in o bíí nú-gara ko o wi-tok yɛm-yɛm-laa sɛn Bɛt-Asebɛa.

²²Sɛla nɛ́ zɔmdáa ko Yokim, in zɔmdáa ko o wi Kɔzɛba, ká bá nɛ̀ Yoas in Saraf nɛ̀ kaia so o zɔŋa Mɔab nɛ̀ kóò nɛti kaɗi sɛka wa be tɛ̀ɛ́ pìì píí Lekɛm mbɛt. Mɔ‘i nɛ́ gba̧‘a̧ mɔ nɛ̀ yaka so ɓeemɛ.

²³O bezaŋ-wa yaa so nɛ́ o wi-ɓu-kpánà sɛn Nɛtaim in Gɛdɛra;[3] wa ɔ so hi̧i̧ in wannu de nɛ̀ tom ha̧ a̧.

²⁴O bem ko Simɛɔŋ nɛ́ Nɛmuɛl, Yamin, Yarib, Zɛra, Saul.

²⁵Saul koo Salum, Salum koo Mibsam, ɓɛɛ Mibsam ko Misma.

²⁶Misma koo Hamuɛl, Hamuɛl koo Zakur, ɓɛɛ Zakur ko Simɛi.

²⁷Simɛi koo so be-wiwii ɓu-zua-mɔɔrɔ-ɗoŋ-kpɔk in boko-bem mɔɔrɔ-ɗoŋ-kpɔk; o nya-a̧ ko so kɔ‘i dɔk na. O bíí nú-gara kɔ-wa dɔk so hee ko o bezaŋ Juda ga na.

²⁸Wa dee so ye sɛn Bɛrseba, Mɔlada, Hasar-Sual,

²⁹Bilha, Ɛsɛm, Tɔlad,

³⁰Bɛtuɛl, Hɔrma, Siklag,

³¹Bɛt-Markabot, Hasar-Susim, Bɛt-Birɛi in Saraim. O gasa ye kɔ-wa hɔ ŋgimbi nɛ̀ David ɔɔ nɛ̀ wan nɛ́ mɔɔ nɔ‘i.

³²O ŋma ye kɔ-wa nɛ́ Etam, Ain, Rimɔŋ, Tɔkɛn in Asaŋ, gasa ye mɔɔrɔ,

³³in o geɗek ye nɛ̀ ya ká̧ o gasa ye nɔ‘i hɔ Baalat. O ye kɔ-wa in o pɛ́r-nam kɔ-wa nɛ́ mɔɔ nɔ‘i.

³⁴Nin o gasawi nú-gara ko o bezaŋ Simɛɔŋ nɛ́ mɔɔ nɔ'ɔ: Mɛsobab, Yamlɛk, Yɔsa bem ko Amasia, Jɔɛl in Yɛhu; Asiɛl koo Sɛraya, Sɛraya koo Yosibia, ɓɛɛ nɛ́ Yosibia a̧ koo Yɛhu'i; sɛka Ɛlyɔnai, Yakɔbab, Yɛsɔhaya, Asaya, Adiɛl, Yɛsimiɛl, Bɛnaya, in Ziza. Dáà ko Ziza nɛ́ Sifɛi, zɔmdáa kɔ̧-a̧ nɛ́ Alɔŋ, ɓɛɛ a̧ nɛ́ bezaŋ Yɛdaya, Simri in Sɛmaya. O pɛ́r-nam kɔ-wa dɔka nyɛmna,

³⁹ɓɛɛ wa pɛsi yak si ká̧ Gɛdɔr nɛ̀ war daŋa-wese kur ɗoŋgɔ mɛ, kii nɛ̀ fara-nyɔŋ-mɔ wen o mɔ-dai kɔ-wa.

⁴⁰Wa kpaa o de mbɔɗi zɔ̧; fara'i duk nɛ́ de ga̧a̧ fara nɛ̀ pɛsa-a. Nɛ́ o bezaŋ Kam a̧ yaa so hi̧i̧ nɛti.

⁴¹O wi nɔ‘i nɛ̀‘i tɔra kinii'i tɛ̀ɛ̀ tɛ́ ŋgimbi wan ko Ezɛkias wannu Juda. Wa ɗaŋa o fara-duk in o tua-laa ko o bíí fara'i, kum nɛ̀ wa nɛ̀‘i iŋ géé oi-wa sɔsɔɔ ɓɔna. Wa dee ye oi wa, wen o fara-nyɔŋ-mɔ a̧a̧ so hi̧i̧ wen o geɗek mɔ-dai kɔ-wa.

⁴²O ŋma bíí gɔmŋmaa-mɔɔrɔ tɛ zuduk ko Simɛɔŋ nɛɛ kɔ‘i si zu kaya Sɛir. O gasawi kɔ-wa so nɛ́ Pɛlatia, Nɛaria, Rɛfaya in Uziɛl; wa nɛ́ o bem ko Yisɛi.

⁴³Wa bìí oi o be Amalɛk nɛ̀ yuu so mɔ si hi̧i̧, ɓɛɛ wa de ye hi̧i̧ hɔ sɔsɔɔ.