Read Northwest Gbaya NEHEMII 10 Bible Online

NEHEMII 10 - Northwest Gbaya bible

NEHEMII 10

¹Ɛɛ ha̧a̧ nú wen zu mɔ nɛ hɔɔ so zu yɛ lɛŋ, ɓɛɛ ɛɛ yɔr. Nin o gasawi, o be Levii in o wi-ɗafi-sɔ̧ k’ɛɛ duka tɛ yɔramɔ‘i.

²Nin o bíí nɛ‘i yɔra zaŋ kalata nɛ tumbal a̧a̧ sɛnɛ nɛ mɔɔ nɔ'ɔ: wi-duk-zu nù Nehemii bem ko Hakalia in o wi-ɗafi-sɔ̧ Sidekia,

³Sɛraya, Azaria, Irmeya;

⁴Pasɛhur, Amaria, Malkia;

⁵Hatus, Sɛbania, Maluk;

⁶Harim, Mɛrɛmɔt, Obadia;

⁷Daniɛl, Ginɛtɔŋ, Baruk;

⁸Mɛsulam, Abia, Miyamin;

⁹Maazia, Bilgai, in Sɛmaya.

¹⁰O be Levii nɛ́ Yesua bem ko Azania, Binui tɛ nú-gara ko Hɛnadad, Kadmiɛl;

¹¹in o nya-wa Sɛbania, Hɔdia, Kɛlita, Pɛlaya, Hanaŋ;

¹²Mika, Rehob, Hasabia;

¹³Zakur, Sɛrɛbia, Sɛbania;

¹⁴Hɔdia, Bani in Bɛninu.

¹⁵O gasawi zu dukbíí nɛ Parɔs, Pahat-Mɔab, Elam, Zatu, Bani;

¹⁶Buni, Azgad, Bebai;

¹⁷Adɔnia, Bigbai, Adin;

¹⁸Atɛr, Hiskia, Azur;

¹⁹Hɔdia, Hasum, Bɛsai;

²⁰Harif, Anatot, Nebai;

²¹Magpias, Mɛsulam, Hesir;

²²Mɛsezabɛl, Sadɔk, Yadua;

²³Pɛlatia, Hanaŋ, Anania;

²⁴Osee, Hanania, Hasub;

²⁵Alɔhɛs, Pila, Sɔbɛk;

²⁶Rɛhum, Hasabena, Masɛya;

²⁷Ahia, Hanaŋ, Anaŋ;

²⁸Maluk, Harim in Baana.

²⁹Oi dukbíí, o wi-ɗafi-sɔ̧, o be Levii, o wi-pɛm-nù Tua ko Sɔ̧, o wi-bii-gima in o wi-de-tom kɔ̧ Tua ko Sɔ̧, gú nɛ̀ oi o dukbíí nɛ kɛ̧ɛ̧ tɛ nɛ o bíí ŋma nù mɛ ndak ɗoŋ Heembea ko Sɔ̧, o kóò kɔ-wa, o be-wiwii in o be-okoo kɔ-wa, in o bíí lɛŋ nɛ nyɛma so mɛ zii mɔ,

³⁰yora ɗoŋ o tu̧u̧-tɛ nya-wa, ɓɛɛ ha̧ nú kan nɛ mɔ mɛ nɛ nɔ̀ nyɛm nɛ ɗoŋ Heembea ko Sɔ̧ n'aa ha̧a̧ so nɛ ɗoŋ Moisɛ wi-de-tom kɔ̧-a̧. Wa ha̧a̧ nú mɛ kasi o wen, o geŋa, in o usamɔ ko GASA WAN k’ɛɛ de nɛ tom.

³¹Ɓɛɛ ɛɛ ha̧ nú mbɛt'e, ɛɛ beka ha̧ o boko-bem k’ɛɛ ha̧ o bíí nù‘i na, in ɛɛ beka ba boko-bem kɔ-wa nɛ kóò ha̧ o bem k’ɛɛ na mbɛt.

³²Kà o bíí nù‘i kai o mɔɔ-gɛnɛ in o nyɔŋmɔ tɛnɛ ha̧ wa mɛ ɗɔr wese-ɔm-tɛ in wese-gbaŋa, ɛɛ beka hi̧fi na. Tɛ mɔɔrɔ-ɗoŋ-yiitoo pɛ, ɛɛ tɛ e fɔ k’ɛɛ mɛ duk biri, ɓɛɛ ɛɛ gbɛɛ ge nyamandoi ge ndé lɛŋ yinɛ.

³³Ɓɛɛ nɛ war k’ɛɛ mɛ tɛ yɛ, ɛɛ ha̧a̧ nú yɛ ndé, ɛɛ tɛ ha̧ k’ɛɛ nɛ́ geɗek kɔya bu-mbɔi tɛ pɛ kpɔk kpɔk wen gbaka tom Tua ko Sɔ̧ k’ɛɛ,

³⁴wen brɛt nɛ‘i wɛk, wen ha̧a̧mɔ wese lɛŋ, wen dɔɔ-kpoo-sɔ̧ wese lɛŋ, wen o wese-ɔm-tɛ, o yɔyɛ mbe-yí-zɛ, o wese gbaŋa in o mɔ nɛ‘i ee nɛtɛ ha̧ Sɔ̧, wen o ɗafa-sɔ̧ wen kpaa ea-ɗaŋmɔ ko o be Israɛl in o wen o oi dɔka tom kɔ̧ Tua ko Sɔ̧ k’ɛɛ.

³⁵K’ɛɛ o wi-ɗafi-sɔ̧, o be Levii in dukbíí, ɛɛ pi̧i̧ tani wen mɔ ko gua n’ɛɛ tɛ kii tɛnɛ kɔ̧ Tua ko Sɔ̧ k’ɛɛ, nyɛm nɛ ɗoŋ o bíí nú tua k’ɛɛ tɛ ŋgimbi nɛ‘i hoka tɛ pɛ kpɔk kpɔk, wen yea-a nɛ wee fara-ɗafi-sɔ̧ ko GASA WAN Sɔ̧ k’ɛɛ, hee mɔ'ɔ nɛ yɔra zaŋ Heembea ga.

³⁶Ɛɛ tɛ ŋmar zu-nyɔnɔ k’ɛɛ, in o zu waya-te lɛŋ dam ɗoŋ pɛ kpɔk kpɔk ha̧ nɛnɛ kɔ̧ Tua ko GASA WAN mbɛt.

³⁷Ɛɛ tɛ kai o kaya bem k’ɛɛ in o mɔ-dai k’ɛɛ nɛnɛ ha̧ o wi-ɗafi-sɔ̧ nɛ de tom sɛn kɔ̧ Tua ko GASA WAN k’ɛɛ, hee mɔ'ɔ nɛ yɔra zaŋ Heembea ga; mɛ̀ nɛ́ o kuti be ndai, o kuti be-sami in gbadua.

³⁸Ɛɛ tɛ ha̧ zu de fuu, o zu-mɔ k’ɛɛ, o waya-te, o ɔ̧ɔ̧ nyɔ̧ɔ̧ dɔ̧ɔ̧ in nɔ̧́ ha̧ o wi-ɗafi-sɔ̧ sɛn kɔ̧ o gɔna-bɛr Tua ko Sɔ̧ k’ɛɛ in h’ɛ́ɛ́ mɛ ha̧ zu-nyɔnɔ k’ɛɛ ha̧ o be Levii nɛ tɛ ndɛm o zu-mɔ lɛŋ nɛ ɗoŋ ye, fara n’ɛɛ de tom sɛnɛ.

³⁹Ŋma wi-ɗafi-sɔ̧ bem ko Arɔŋ tɛ duk in o be Levii ŋgimbi nɛ wa tɛ ndɛm nɛ mɔ; ɓɛɛ o be Levii tɛ kai zu o mɔ nɛ wa ndɛma tɛnɛ sɛn kɔ̧ Tua ko Sɔ̧ k’ɛɛ; wa tɛ kai si kɔ̧ gɔna-bɛr-tua nɛ mbɔi duk sɛnɛ.

⁴⁰O be Israɛl in o be Levii tɛ kai zu alkamaari, zu mbe dɔ̧ɔ̧ in o zu nɔ̧́ tɛnɛ sɛn kɔ̧ o gɔna bɛr-tua'i. Nɛ́ sɛn hi̧i̧ a̧ o nyɛk mɛ sa̧a̧-fara, o wi-ɗafi-sɔ̧ nɛ a̧a̧ tɛ tom, o wi-pɛm-nú tua in o wi-bii-gima ya sɛnɛ. Hegɔ ɛɛ beka e Tua ko Sɔ̧ k’ɛɛ duk na.