Read Northwest Gbaya NEHEMII 12 Bible Online

NEHEMII 12 - Northwest Gbaya bible

NEHEMII 12

¹O wi-ɗafi-sɔ̧ in o be Levii nɛ pia so in Zorobabɛl, bem ko Sealtiɛl, in Yesua nɛ́ mɔɔ nɔ'ɔ: Sɛraya, Irmeya, Ɛsdras;

²Amaria, Maluk, Hatus;

³Sɛkania, Rɛhum, Mɛrɛmɔt;

⁴Ido, Ginɛtɔi, Abia;

⁵Miyamin, Madia, Bilga;

⁶Sɛmaya, Yɔyarib, Yɛdaya;

⁷Salu, Amɔk, Hilkia, Yɛdaya. O wi nɔ‘i lɛŋ nɛ́ o gasawi zu o wi-ɗafi-sɔ̧ in zu o be Levii tɛ ŋgimbi ko Yesua.

⁸O be Levii nɛ́ Yesua, Binui, Kadmiɛl, Sɛrɛbia, Yehuda in Matania. Matania in o bíí kɔ‘i nɛ́ o wi-ba-ger gima-gasi Sɔ̧,

⁹ɓɛɛ Bakbukia in Uni nɛ duka so nɛ́ o ŋma be Levii mbɛt yora tan ti wa kɔ̧ nɛ gima nú wa.

¹⁰Yesua kòó Yoyakim, Yoyakim kòó Eliasib, Eliasib kòó Yoyada,

¹¹Yoyada kòó Yɔnataŋ, ɓɛɛ Yɔnataŋ kó Yadua.

¹²Tɛ ŋgimbi ko Yoyakim, o wi-ɗafi-sɔ̧ nɛ yaa nɛ́ o gasawi nutua nɛ́ mɔɔ nɔ'ɔ: tɛ nutua ko Sɛraya nɛ́ Mɛraya, ko Irmeya nɛ́ Hanania,

¹³ko Ɛsdras nɛ́ Mɛsulam, ko Amaria nɛ́ Yohanaŋ,

¹⁴ko Mɛliu nɛ́ Yɔnataŋ, ko Sɛbania nɛ́ Jɔzɛf,

¹⁵ko Harim nɛ́ Adna, ko Mɛrayot nɛ́ Hɛlkai,

¹⁶ko Ido nɛ́ Zakarii, ko Ginɛtɔŋ nɛ́ Mɛsulam,

¹⁷ko Abia nɛ́ Zikri, ko Miniamin nɛ́...[10], ko Mɔadia nɛ́ Piltai,

¹⁸ko Bilga nɛ́ Samua, ko Sɛmaya nɛ́ Yɔnataŋ,

¹⁹ko Yɔyarib nɛ́ Matɛnai, ko Yɛdaya nɛ́ Uzi,

²⁰ko Salai nɛ́ Kalai, ko Amɔk nɛ́ Ebɛr,

²¹ko Hilkia nɛ́ Hasabia, ɓɛɛ ko Yɛdaya nɛ́ Nɛtaneɛl.

²²Ŋgimbi nɛ Eliasib, Yoyada, Yohanaŋ in Yadua duka nɛ́ gasa wan-ɗafi-sɔ̧ ɗoŋ ŋmaa, wa yɔra nin o be Levii in o wi-ɗafi-sɔ̧ nɛ yaa so nɛ́ gasawi nutua zaŋ kalata hɔ ŋgimbi-wan ko Darius be Pɛrsɛ.

²³Wa yɔra nin o gasawi nutua ko o be Levii zaŋ Kalata Nyɛrɛ hɔ tɛ ŋgimbi ko Yohanaŋ be-koo Eliasib.

²⁴O gasawi zu o be Levii nɛ́ Hasabia, Sɛrɛbia in Yesua, bem ko Kadmiɛl, bá nɛ́ o nya-wa nɛ ya tan ti wa, wen bia gima nyɛm nɛ̀ ɗoŋ wen ko David, bíí ko Sɔ̧; o ndé nyɛm nɛ̀ ŋgimbi kɔ‘i, gasi nɛ́ Sɔ̧, de nɛ́ osoko ha̧ a̧.

²⁵O wi-pɛm-nù tua nɛ́ Matania, Bakbukia, Obadia, Mɛsulam, Talmɔŋ in Akub; wa ya so pɛm nɛ o fara-a-mɔ mgbák nú garo Tua ko Sɔ̧.

²⁶Wa dee so tom sɛn tɛ ŋgimbi ko Yoyakim bem ko Yesua, be-koo Yosadak in sɛn tɛ ŋgimbi ko Nehemii wi-duk-zu nù, in Ɛsdras wi-ɗafi-sɔ̧ in wi-yɔr-kalata mbɛt.

²⁷Ŋgimbi dee gbaŋa garo Jerusalɛm, wa saa o be Levii lɛŋ nɛ fara nɛ wa ya sɛnɛ mɛ tɛ pii Jerusalɛm, wen dee gbaŋa nɛ desee, nɛ zɔnamɔ, nɛ gima, ba sɔkɔ, koloŋ in kunde.

²⁸O wi-bii-gima mɔi̧a ŋmaa tɛnɛ nɛ ká̧ Jerusalɛm nɛ tɛ o ye ko o be Nɛtɔfa,

²⁹nɛ Bɛt-Gilgal in nɛ ká̧ Geba in Azmavɛt, wen o wi-bii-gima dee so kɔ-wa ye nɛ ká̧ Jerusalɛm.

³⁰O wi-ɗafi-sɔ̧ in o be Levii ɗafa war-tɛ in war-tɛ o bíí, war o nú garo in kiitɛ garo mbɛt.

³¹Mi dee ha̧ o gasawi nù Juda mɛ daŋ zu garo. Mi mɔi̧a o wi-bii-gima nɛ dɔka-a, ɓɛɛ mi kɛ̧ wa tɛ fara yiitoo. Kuti-a gbara kɔ‘i nɛ zu garo nɛ war wiiko si nú garo nɛ‘i sa'e Zuku-paa,

³²ɓɛɛ Hɔsaya in reeta gasawi Juda gbar ɗoŋ wa.

³³Hɔ-ɗoŋ-aa, nɛ́ Azaria, Ɛsdras, Mɛsulam;

³⁴Yehuda, Bɛnjamin, Sɛmaya in Irmeya.

³⁵Mɛ ɗoŋ woyo, nɛ́ o wi-ɗafi-sɔ̧ a̧ kaia mbia, ɓɛɛ Zakarii, bem ko Yɔnataŋ, bem ko Sɛmaya, bem ko Matania, bem ko Mikaya, bem ko Zakur, bem ko Asaf,

³⁶in o nya-a̧ Sɛmaya, Azarɛl, Milalai, Gilalai, Maai, Nɛtaneɛl, Yehuda in Hanani kai kɔ-wa nɛ mɔɔ-de-gima ko David bíí ko Sɔ̧. Nɛ́ Ɛsdras, wi-yɔr-mɔ a̧ duk ti ha̧ wa.

³⁷Nɛ̀ nú garo Zu-zer, wa gbara nɛ fara-daŋ-nɛnɛ sitɛ ye ko David, ɓir nɛnɛ nɛ mgbák ká̧ tua-wan ko David, hɔ nɛnɛ Nú-Garo-Yì si war daŋa-wese.

³⁸Yiitoo-aa baa kɔ‘i nɛ́ zu garo nɛ war gale; mi duka so kɔ‘m ɗoŋ wa in oi reeta o gasawi; ɛɛ ɓira zu Fara-dɔ-brɛt, ɓɛɛ ɛɛ hɔ tɛ Pɛsa Garo.

³⁹Ɛɛ ɓira zu nú garo ko Efraim, ko Yesana, nú garo ko o Zoro, tɛ fara-pɛm-mɔ ko Hananeɛl in wan nɛ‘i sa'e Gɔmŋmaa, hɔ sɛn nú garo ko o Sami, ɓɛɛ ɛɛ yor zu nú Garo-pɛm-mɔ.

⁴⁰Mɛ ɗoŋ, o duk wi-bii-gima yiitoo nɔ‘i yee kɔ̧ Tua ko Sɔ̧ in mi nɛ tɛ‘m mbɛt, o reeta gasawi nɛ yaa so in am,

⁴¹ká bá nɛ̀ o wi-ɗafi-sɔ̧ Eliakim, Masɛya, Miniamin, Mikaya in Ɛlyɔnai, Zakarii in Hanania nɛ̀ o mbia,

⁴²sɛka Masɛya, Sɛmaya, Eleazar, Uzi, Yohanaŋ, Malkia, Elam ba nɛ Ezɛr. Izrahia, wi-duk-zu gima ŋmaa nú tɛ gima in o wi-bii-gima kɔ‘i.

⁴³Wa ɗafa Sɔ̧ nɛ dɔka-a wese'i, ɓɛɛ wa de nyɛŋɛ mbɛt, wen nɛ́ Sɔ̧ a̧ dee ha̧ wa mɛ kpa gasa desee hegɔ. O okoo in o obem dee nyɛŋɛ mbɛt, ɓɛɛ wi zii gayamɔ desee ko o bíí Jerusalɛm nɛ nyɛi̧a-a.

⁴⁴Wese'i, wa ee o wi-pɛm-mɔ nú o gɔna-bɛr-tua nɛ wa a zu-nyɔnɔ in o zu-mɔ sɛnɛ. Nɛ́ o wi nɔ‘i a̧ tɛ kai mɔ nɛ o bíí kai tɛnɛ nɛ̀ ɗoŋ o ye hee mɔ'ɔ nɛ Heembea gɔna wen o wi-ɗafi-sɔ̧ in o be Levii ga, wen o be Juda kpaa so desee nyɛmna zu o wi-ɗafi-sɔ̧ in o be Levii nɛ a̧a̧ tɛ tom.

⁴⁵Wa duka so de nɛ tom ko Sɔ̧ kɔ-wa in tom ɗafa war-tɛ-wa, ɓɛɛ ko o wi-bii-gima in o wi-pɛm-nú tua, wa de nɛ tom nyɛm nɛ ɗoŋ wen ko David in bem kɔ̧-a̧ Salomɔŋ.

⁴⁶Ɓeemɛ tɛ ŋgimbi ko David in Asaf, o gasawi ko o wi-bii-gima a̧a̧ so sɛnɛ wen bia gima-gasi-sɔ̧ in gima-dee-osoko ha̧ Sɔ̧.

⁴⁷Tɛ ŋgimbi ko Zorobabɛl in Nehemii, o be Israɛl lɛŋ ha̧ nɛ mɔ nɛ o wi-bii-gima in o wi-pɛm-nú Tua ko Sɔ̧ tɛ kpa dam ɗoŋ wese lɛŋ, ɓɛɛ o mɔ nɛ wa e ha̧ Sɔ̧, wa ha̧a̧ ha̧ o be Levii, sɛka o be Levii tɛɛ ha̧ kɔ‘i war mɔ ko o bezaŋ Arɔŋ ha̧ wa.