Read Northwest Gbaya GIMA 137 Bible Online

GIMA 137 - Northwest Gbaya bible

GIMA 137

¹Ɛ́ɛ́ yaa so nù ká̧ nana-yì Babilɔŋ hi̧i̧ nɛ̀ kɔ̧a̧ mgbasi-mgbasi, ŋgimbi nɛ̀ tɛ yɛ mbaŋa so nɛ̀ ɗoŋ Siɔŋ.

²Ɛ́ɛ́ kaia so o kunde k’ɛɛ ga̧i̧ kɔ̧ o gbaloke[33] nɛ̀ yaa zik fara'i.

³Ɓɛɛ mɛ̀ nɛ́ fara'i a̧ o wan nɛ̀ kaia so ɛɛ nɛ̀ bara kɔ̧a̧ h’ɛ́ɛ́ mɛ bìì gima nɛ̀ tɛ ha̧ desee ha̧ wa; wa tɔ̧a̧: «Ɛ̀nɛ̀ bíí gima h’ɛ́ɛ́, ɛ̀nɛ̀ bíí ŋma gima Siɔŋ k’ɛ́nɛ́ h’ɛ́ɛ́.»

⁴Ɛ́ɛ́ tɛ bìì bɔɔ gima ko GASA WAN sɛn gɔni nù hɛ̧ɛ̧ hee ge?

⁵Tɛ‘m nɛ́ bìí ɗoŋ mɛ, Jerusalɛm, nɛ̀ er-am mɛ wiiko a̧ mɔ́k ɓɔn mbɔɗɔnu.

⁶Kà tɛ‘m nɛ́ mbaŋa ɗoŋ mɛ na, kóó mi nɛ́ zɔka mɛ hee gasa mɔɔ-desee kɔ‘m ga na, ɓɛɛ nɛ̀ leɓ‘am a̧ kor ndaɗi war ger-am ɓak-ɓak.

⁷GASA WAN, ká tɛ‘nɛ́ bi ɗoŋ kifa er ha̧ o be Edɔm na, wen ɗaŋmɔ nɛ̀ wa dee so wese ɗaŋa-a ko Jerusalɛm, nɛ́ wa aa so nɛ̀ wen ha̧ o bíí mɛ mbɔli Jerusalɛm yinɛ war kpɔk.

⁸Boko-bem Babilɔŋ, mɛ́ zɔŋa-ɗaŋ-mɔ'ɛ, wi nɛ tɛ kifi er kpɔk mɔ nɛ̀ mɛ dee in yɛ'ɛ ha̧ mɛ, dúk nɛ̀ desee;

⁹wi nɛ tɛ kai o bem kɔ-mɛ yo nɛ̀ ta gbɛ a nù riɓiti, tɛ kpa desee.