Read Northwest Gbaya GIMA 138 Bible Online

GIMA 138 - Northwest Gbaya bible

GIMA 138

¹Gima ko David. GASA WAN, mi tɛ zɔn nin'nɛ́ nɛ̀ see-am lɛŋ. Sɛn ti o ŋgayamɔ[34] mɛ yiwese, mi tɛ bìì gima zɔn nɛ̀ nin'nɛ́.

²Mi gbɛ zugur-am nù ti sa̧a̧ tua k’ɛ́nɛ́, mi de osoko zɔn nɛ̀ nin'nɛ́ wen zu yora-ɗoŋ-wen k’ɛ́nɛ́ nɛ̀ ɔ dee; ha̧a̧nú k’ɛ́nɛ́ gana hura-nin'nɛ́.

³Ɛ́nɛ́ zia sara kɔ‘m wese n'am saa nɛ̀ ɛnɛ, ɓɛɛ ɛ́nɛ́ ha̧ ŋgai ha̧‘m gan kuti-a.

⁴O wannu zaŋnu’ɛ lɛŋ de nɛ osoko h’ɛ́nɛ́, GASA WAN, wen wa zia o ha̧a̧nú k’ɛ́nɛ́.

⁵Deemɔ ko GASA WAN pi̧i̧ tortɛ tɛ-wa, ɓɛɛ wa bíí nɛ gima zɔn nɛ̀ gasamɔ kɔ̧-a̧.

⁶A̧ duk tɛ kusa fara zɔk nɛ̀ o wi-mɔka-see tɛnɛ, ɓɛɛ ko o wi-ŋmaŋ-tɛ, a̧ iŋa ndaa mɔ kɔ-wa nɛ̀ tɛ̀ nyɛi̧a fara mɛ mbɛt.

⁷GASA WAN, o wi-kur-zu'm duk hee tɛ nyɔŋ nɛ‘m nɛ̀ gba̧a̧-nin ga wen ŋgai n’ɛnɛ ha̧‘m tɛ dita-see kɔ‘m'i;

⁸nɛ́ ɛnɛ'ɛ nyɛi̧ er'nɛ́ kpasi nɛ‘m, GASA WAN; kɔ̧ɔ̧mɔ k’ɛ́nɛ́ duk ɓɔnsɛnɛ. K’ɛ́nɛ́ e er tom'i duk na.