Read Northwest Gbaya GIMA 140 Bible Online

GIMA 140 - Northwest Gbaya bible

GIMA 140

¹Gima ko David ha̧ wan-duk-zu-gima.

²GASA WAN, ɛ̀nɛ̀ gbó‘m er wi-de-mɔ-de-na yinɛ, ɛ̀nɛ̀ pɛ́m am wen ká o wi-de-mɔ nɛ̀ ŋgai tɛɛ de ŋgamɔ in am;

³ɛ̀nɛ̀ kpás'am er o wi-kii-wen-ari nɔ'ɔ nɛ̀ kii kɔ‘i nɛ́ biro ɓɔnsɛnɛ'ɛ;

⁴wa pi̧ leɓe hee gɔ́k ga, wen kɔ̧ nú-wa duk hee ma̧a̧da̧ ko kóró ga.

⁵GASA WAN, ɛ̀nɛ̀ pɛ́m am er o wi-ɗaŋ, ɛ̀nɛ̀ yé ɗoŋ am wen o wi-de-mɔ nɛ̀ ŋgai nɔ'ɔ nɛ̀ kɔ̧ɔ̧ ha̧ naŋ-am mɛ mbali ŋmaa.

⁶Wa tui nɛ́ pɛr a nɛ̀ yɔk ha̧‘m, ɓɛɛ o wi-ŋgazu hur kɔ‘i nɛ lim nɛ̀ yuwar nɛnɛ ha̧‘m.

⁷Nɛ́ mɔ‘i sa'm tɔ̧ ha̧ GASA WAN nde: «Ɛ́nɛ́ nɛ́ Sɔ̧ kɔ‘m!» GASA WAN, ɛ̀nɛ̀ zíí wora'nɛ́ n'am wor'i!

⁸GASA WAN, ɛ́nɛ́ nɛ́ Sɔ̧ kɔ‘m, ɛ́nɛ́ nɛ́ ŋgai-kpas'am; nɛ́ ɛnɛ'ɛ kpe zu'm pɛm nɛ̀‘m wese biro.

⁹K’ɛ́nɛ́ kɔ̧ ɗɔɔ taamɔ ko o wi-ɗaŋ na; k’ɛ́nɛ́ e ha̧ ee-zu-mɔ kɔ-wa mɛ tik zu'm na.

¹⁰Ká o wi-kur-zu'm kpá ŋgai zu'm na; o ɗaŋ wen nɛ̀ wa tɔ̧ zu'm lɛŋ a sí ɗoŋ zu wa.

¹¹O yoŋgoŋgo wee a̧ á zu wa. Ɛ̀nɛ̀ káí wa yur ɗɔɔ ɗuka kɔ̧-fio; ká wa kúr ɓɔna!

¹²Ɗaŋmɔ a̧ ndák pata o wi-de-ŋgamɔ gbɛ wa yinɛ; o wi-e-ɗɔra tɛ-wi a̧ kúm zu nù lɛŋ!

¹³Mi iŋa ndé, GASA WAN tɛ gɔn kita zu o wisan nɛ yuwar-a; a̧ tɛ gbo o wi-kɔsa tɛ bɔnɛ.

¹⁴O wi-de-mɔ nɛ yuwar-a tɛ de osoko nɛ̀ nin'nɛ́, GASA WAN, ɓɛɛ o wi-de-mɔ nɛ̀ tana-a tɛ ya in'nɛ̀ɛ́.