Read Northwest Gbaya GIMA 149 Bible Online

GIMA 149 - Northwest Gbaya bible

GIMA 149

¹Aleluya! Ɛ́nɛ́ o bíí ko GASA WAN nɛ̀ mɔi̧a’ɛ, ɛ̀nɛ̀ bíí mbe gima zɔn nɛ̀ a̧!

²Israɛl, mɛ̀ dé nyɛŋɛ, GASA WAN nɛ́ Sɔ̧-de-wi nɛ̀ dee mɛ'ɛ; o bem ko Siɔŋ, ɛ̀nɛ̀ yá nɛ̀ desee ti wan k’ɛ́nɛ́!

³Ɛ̀nɛ̀ yɔ́ yɔyɛ zɔn nɛ̀ nin-a! Ɛ̀nɛ̀ mbɛ́r bi̧ɔ̧ in koloŋ ha̧ a̧!

⁴Wen GASA WAN dee demɔ in dukbíí kɔ‘i; a̧ kpasa o wi-mɔka-see.

⁵O wi-mbo-zu ha̧ a̧ dé nɛ́ nyɛŋɛ gasa deemɔ kɔ̧-a̧, wa ya fara-ɔɔ kɔ-wa mɛ zɔn nɛ̀ a̧.

⁶Wa lɛŋ ŋgan nɛ mɔ ti GASA WAN nɛ̀ tɔ̧ɔ̧-nú gba-paa,

⁷wen ha̧ wa mɛ de mɔ nyɛm nɛ̀ ɗoŋ gɔna-kita ko GASA WAN: wa tɛ kifi er ha̧ o tugun bíí, wa tɛ usi bɔnɛ ha̧ o dukbíí, wa tɛ hɛr o wannu nɛ̀ nyak-boi, ɓɛɛ wa tɛ pi̧ poka naŋ o dita-bíí mgbara wa mbɛt. Gasamɔ nɛ̀ o wi-mbo-zu ha̧ a̧ tɛ kpa nɛ́ mɔ‘i. Aleluya!