Read Northwest Gbaya GIMA 2 Bible Online

GIMA 2 - Northwest Gbaya bible

GIMA 2

¹Wen ge sa o dukbíí dik gɛrɛm zu ŋmaa in o ŋmaa ge? Wen ge sa o tugun bíí tuɓi da̧ a zu ŋmaa ge?

²Wen ge sa o wannu zu nù'ɛ kur zu GASA WAN ge? Wen ge sa o be-wan e nú mɛ bɛ̧ GASA WAN in wi n'aa tɛna nɔ̧́ a zu a̧ ge nde?

³Ɛ̀ɛ̀ kúr, ɛ̀ɛ̀ ŋmán nyak-zɔɓɔ kɔ-wa tɛ yɛ yinɛ, ɛ̀ɛ̀ kpɔ̧́í̧ kpáŋá kɔ-wa ger yɛ pi̧ taŋ.

⁴Wi nɛ duk kɔ‘i yiwese mɛ‘i mam kɔ‘i nɛ wa; wi-mam wa'i nɛ́ GASA WAN,

⁵a̧ tɔ̧ɔ̧ wen ha̧ wa nɛ ɗaŋsee, a̧ tuɓa da̧ a zu wa ɓɛɛ bele zar wa a nù.

⁶Nɛ́ mi'i ee wannu kɔ‘m zu Siɔŋ. Siɔŋ nɛ sa̧a̧ kaya kɔ‘m.

⁷Mi tɛ we ɗoŋ geŋa ko GASA WAN, nɛ tɔ̧ɔ̧ ha̧‘m: «Mɛ́ nɛ́ bem kɔ‘m, mi a̧ koo mɛ sɔsɔɔ.

⁸«Mɛ̀ ák am, ɓɛɛ mi tɛ ha̧ o tugun bíí ha̧ mɛ nɛ mɔɔ-oi; o nduti-nù lɛŋ tɛ ya nɛ́ kɔ-mɛ.

⁹«Mɛ tɛ bi o nduti-nú nɔ‘i nɛ dɔ́rá-boi. Mɛ tɛ ɗaŋ wa hee mɔ'ɔ nɛ‘i gba nɛ kpánà a nù ɗɛ́sɛ́-ɗɛ́sɛ́'ɛ ga.»

¹⁰Ɓɛɛ kinii, o wannu, kɔ̧ zaŋ‘nɛ́ a̧ gɔn; o wi-gɔn-kita zu nù'ɛ, ɛ̀nɛ̀ zíí mbɔrɔ!

¹¹Ɛ̀nɛ̀ dé tom ha̧ GASA WAN, tu̧ nɛ tɛ-a, in ɛ̀nɛ̀ yú kíí a̧ mbɛt.

¹²Ɛ̀nɛ̀ hɛ́r ti-bee-a nɛ naka-tɛ; kà see-aa nyim, ɛnɛ tɛ kum, wen tɛ mɔ tikiɗi nyimsea kɔ̧-a̧ kura kaɗi! O wi nɛ hu̧si ɗoŋ GASA WAN ya kɔ‘i nɛ desee.