Read Northwest Gbaya GIMA 26 Bible Online

GIMA 26 - Northwest Gbaya bible

GIMA 26

¹Ko David. GASA WAN, ɛ̀nɛ̀ gɔ́n kita zu'm nɛ yuwar-a wen mi ba war ɗaŋmɔ na; wi-e-nɛ-ta kɔ‘m nɛ́ GASA WAN ɓɔnsɛnɛ.

²Ɛ̀nɛ̀ zɔ́k mɔ nɛ̀ duk kɔ̧ see-am, GASA WAN, ɛ̀nɛ̀ wé‘m; ɛ̀nɛ̀ kíí mgbara taamɔ in wɔ-mɔ kɔ̧ see-am,

³wen gasa dee demɔ k’ɛ́nɛ́ duk ɓɔn yí‘m, ɓɛɛ mi ba nɛ yuwar kpasawen k’ɛ́nɛ́.

⁴Mi duk kɔ‘m nù in o wi-ɔr-wi na; mi kɔ̧ duka-a mgbara o ɓɔŋiŋi-bíí[6] na.

⁵Mi sɛna duka-a kpɔk in o wi-ɗaŋ; mi kɔ̧ duka nù in o wi-de-ɗaŋmɔ na.

⁶Mi pɛra er-am mɛ usi ndé, mi duk zóóŋ géè, ha̧‘m mɛ zik fara-ɗafi'nɛ́,

⁷bíí nɛ̀ gima de nɛ̀ osoko h’ɛ́nɛ́; mi wee ɗoŋ o mɔɔ-gɔn-ɗɛɗɛ-wi n’ɛnɛ dea.

⁸GASA WAN, mi kɔ̧ɔ̧ duka-a kɔ̧ tua k’ɛ́nɛ́ fara nɛ̀ gasamɔ k’ɛ́nɛ́ duk sɛnɛ‘i.

⁹K’ɛ́nɛ́ gbɛ‘m hee mɔ'ɔ n’ɛnɛ tɛ ɗaŋ nɛ̀ o wi nɛ̀ a̧ra̧ in o wi-gbɛ-zu ga na, wen mɔ kɔ-wa, kànà nɛ́ dee ɗaŋmɔ ɓɔnsɛnɛ;

¹⁰ɓan na er-wa dee mɔɔ-ndiŋ kaɗi, ɓɛɛ wa ɓɔŋa be sede mɛ nɛ̀ɛ́ ye nɛ̀ bíí.

¹¹Ɓɛɛ kɔ‘m, mi ba kɔ‘m yuwar ɗaŋmɔ na; GASA WAN, ɛ̀nɛ̀ dé ko ha̧‘m! Ɛ̀nɛ̀ kpás'am!

¹²Mi ba nɛ tana-war; GASA WAN, mi de nɛ osoko h’ɛ́nɛ́ mgbara o gíí bíí nɛ̀ mɔi̧a.