Read Northwest Gbaya GIMA 28 Bible Online

GIMA 28 - Northwest Gbaya bible

GIMA 28

¹Gima ko David. GASA WAN, mi sa nɛ mɔ sitɛ‘nɛ́! Kam-ta kɔ‘m, k’ɛ́nɛ́ kpe zer'nɛ́ tɛ sara kɔ‘m na! K’ɛ̀nɛ̀ kifi nú ha̧‘m na, mi tɛ fe hee o dɔka wi ga.

²Ɛ̀nɛ̀ zíí aia-nú kɔ‘m; mi hiɗi nɛ mɔ sitɛ‘nɛ́ h’ɛ́nɛ́ mɛ gbak am, mi gɔm nɛ er sitɛ sa̧a̧-fara kɔ̧ tua k’ɛ́nɛ́.

³K’ɛ́nɛ́ gbur am yaknɛ in o wi-ɗaŋ ká bá nɛ̀ o wi-de-ɗaŋmɔ kpɔk na, wen wa tɔ̧ nɛ de yɔka-wen ha̧ o ŋma-wa, ɓɛɛ see-wa duna nɛ̀ ɗaŋmɔ.

⁴Ɛ̀nɛ̀ kífí er ha̧ o wi nɔ‘i nyɛm nɛ̀ ɗoŋ tom kɔ-wa, ɛ̀nɛ̀ kífí er ha̧ wa nyɛm nɛ̀ ɗoŋ ɗaŋmɔ kɔ-wa, ɛ̀nɛ̀ kífí er ha̧ wa nyɛm nɛ̀ ɗoŋ dee saka-yí kɔ-wa, ɛ̀nɛ̀ há̧ mɔɔ-oi-tom kɔ-wa'i ha̧ wa;

⁵wen wa mbo zu tɛ tom nɛ̀ GASA WAN dea na, wa ee mɔ n’ɛnɛ dee lɛŋ tɛ geemɔ. Ɛ̀nɛ̀ tó wa a nù ɓɛɛ k’ɛ́nɛ́ ba wa e ŋgɔn ɓɔna.

⁶Mi tɛ zɔn GASA WAN wen n'aa zia aia-nú kɔ‘m.

⁷GASA WAN nɛ́ ŋga fara-duk kɔ‘m in ŋgee kɔ‘m; mi e ta nɛ̀ a̧ wen a̧ gbaka'm; tɛ‘m bura kaɗi, ɓɛɛ mi de osoko ha̧ a̧ bíí nɛ̀ gima'e:

⁸Nɛ́ GASA WAN a̧ ha̧ ŋgai ha̧ dukbíí kɔ‘i; nɛ́ a̧ a̧ kpasi wi nɛ̀ wa tɛna nɔ̧́ a zu a̧.

⁹GASA WAN, ɛ̀nɛ̀ kpásí dukbíí k’ɛ́nɛ́! Ɛ̀nɛ̀ tók de yoŋgo zu mɔɔ-oi k’ɛ́nɛ́! Ɛ̀nɛ̀ dáí wa, ɛ̀nɛ̀ yór ɗoŋ wa ɓɔnsɛnɛ.