Read Northwest Gbaya GIMA 38 Bible Online

GIMA 38 - Northwest Gbaya bible

GIMA 38

¹Gima ko David wen ee bɔnɛ kɔ̧-a̧ ti Sɔ̧.

²GASA WAN, kà see'nɛ́ á̧ nyima in am, ɓɛɛ k’ɛ́nɛ́ usi bɔnɛ ha̧‘m na; k’ɛ́nɛ́ de wen in am ŋgimbi nɛ see'nɛ́ biti ɗaŋ in am na mbɛt.

³Góò k’ɛ́nɛ́ pi̧a'm tɛ ɗaŋ fara, ɓɛɛ er'nɛ́ gbɔsa'm ndaɗi nù fa̧i̧;

⁴nyimsea k’ɛ́nɛ́ tika zu'm, ɓɛɛ ŋgai kaɗi tɛ‘m lɛŋ; gba̧a̧-tɛ‘m mɔka pútú-pútú oi ɗaŋmɔ n'am dea.

⁵Ɗaŋmɔ kɔ‘m gana'm hee ŋma zɔm dita tui a̧ gana'm ga;

⁶tɛ‘m mbɔr nɛ̀ ŋgɔn nun nɛnɛ wen dee mɔɔ-mgbele kɔ‘m.

⁷Ɗoŋ-am suta, tɛ‘m kata hɔ tɛ fio; mi hi̧i̧ nɛ kɔ̧a̧-fio tik nɛnɛ hegɔ zɛ de nɛnɛ.

⁸Ti-gun-am duk hee wee ga, gba̧a̧-tɛ‘m bo na;

⁹mí bó nɛ̀ ŋgai ɓɔna, tɛ‘m kata hɔ tɛ fio, see-am gbɛŋ gbɛŋ zɛ̀k-zɛ̀k, mi gɔfi nɛ mɔ nɛ̀ ŋgaya-a.

¹⁰GASA WAN, ŋma mɔ kɔ‘m nɛ̀ yɔɔ‘nɛ́ bo na; mɔ n'am kɔ̧a̧ n'am pɛ see-am zu-a'i lɛŋ, ɛ́nɛ́ iŋa.

¹¹See-am to too ɓɛɛ ŋgai bo tɛ‘m ɓɔna, mi zɔk mɔ tamtuɗum géè.

¹²O sɛm in o gbama-yari kɔ‘m pɛsa e'm duk wen pɛ̀r nuna da̧i̧ kɔ‘m; o nya'm ya nɛ̀ nyɛi̧a-a nɛ‘m,

¹³ɓɛɛ o wi nɛ̀ kɔ̧ɔ̧ mɛ de ɗaŋmɔ in am za̧ nɛ lim ha̧‘m, o wi nɛ̀ kɔ̧ɔ̧ ha̧ ɗaŋmɔ mɛ tik zu'm e nɛ́ ɗɔra tɛ‘m nɛnɛ, wa e nɛ́ nú in o ŋmaa mɛ de ŋgamɔ in am.

¹⁴Mi duk hee wi-mgbee-zer in mukɛ̧ ga: mi zii mɔ na, mi tɔ̧ wen na mbɛt.

¹⁵Mi hɔɔ ŋmaa in ŋma bíí nɛ̀ duk kɔ‘i yekere tɛ wen nɛ wa tɔ̧a̧ n'aa nyɛm mɛ kifi nú zu-a na ga.

¹⁶GASA WAN, mi e ta nɛ ɛnɛ; nɛ́ ɛnɛ'ɛ tɛ kifi nú ha̧‘m, GASA WAN, Sɔ̧ kɔ‘m.

¹⁷Nɛ́ mɔ‘i sa'm wor'nɛ́ ká wa tɛɛ ŋmaŋ tɛ zu'm; kà‘m nɛ́ tira yɔɔ-mɔ mɛ yo nù, k’ɛ́nɛ́ e ha̧ wa mɛ gan am na,

¹⁸wen kɔ‘m, ɓan na mi tika kaɗi! Bɔnɛ kɔ‘m kaɗi so bɔɔ kaɗi?

¹⁹Mi gbara ɗaŋmɔ kɔ‘m h’ɛ́nɛ́ wen see-am gɔna zu yɔɔ-kaya kɔ‘m'i.

²⁰O wi-de-ɗaŋmɔ in am dɔk dɔk siti, o wi-sɛn-am géè dɔka yak zale;

²¹demɔ n'am de sitɛ wa, wa kifi er-a nɛ̀ ɗaŋ-a pii tɛ‘m tɔ̧ nɛ̀ ŋga wen zu'm wen demɔ n'am kii mɛ de in o bíí.

²²GASA WAN, k’ɛ́nɛ́ e'm duk na! K’ɛ́nɛ́ duk nyɛi̧ nɛ̀‘m na, Sɔ̧ kɔ‘m!

²³Ɛ̀nɛ̀ gbák am bee, GASA WAN, wi-kpas'am!