Read Northwest Gbaya GIMA 4 Bible Online

GIMA 4 - Northwest Gbaya bible

GIMA 4

¹Gima ko David ha̧ wan-duk-zu-gima; gima nɛ kunde.

²Kà‘m sá mɔ sitɛ‘nɛ́, ɛ̀nɛ̀ kífí nú ha̧‘m, Sɔ̧, wan-gɔn-kita kɔ‘m! Kà mɔ bá tɛ‘m, ɓɛɛ ɛ̀nɛ̀ kpásá‘m. Ɛ̀nɛ̀ dé ko ha̧‘m, ɛ̀nɛ̀ zíí kɔfa-sɔ̧ kɔ‘m.

³O bíí, ɛ́nɛ́ é bɔɔ gasamɔ kɔ‘m tɛ geemɔ ɗoŋ-aa nyɛi̧ hegɔ'ɛ wen ge? Wen ge s’ɛnɛ ndak ɗoŋ geemɔ in ɔramɔ hegɔ'ɛ ge?

⁴Ɛ̀nɛ̀ íŋ nde, GASA WAN nɛ́ wan-yor-ɗoŋ o sɛm kɔ‘i! GASA WAN zii saa-sara kɔ‘m zii.

⁵Tɛ‘nɛ́'ɛ nak ɓɛɛ k’ɛ́nɛ́ de ɗaŋmɔ ɓɔna! Ɛ̀nɛ̀ ɔ́ nù gɔn gado k’ɛ́nɛ́ sɛ́ɛ́m ɓɛɛ ɛ̀nɛ̀ tá mɔ.

⁶Ɛ̀nɛ̀ ɗáfí sɔ̧ nɛ yuwar-a! Ɛ̀nɛ̀ é ta nɛ̀ GASA WAN.

⁷Ɓɛɛ o bíí nɛ dɔka-a hee ge nde: «Nɛ́ o'o tɛ de h’ɛ́ɛ́ mɛ duk tɛ bɔtɛ o? GASA WAN, ɛ̀nɛ̀ zɔ́k yɛ nɛ̀ de yí.»

⁸Desee n’ɛnɛ pi̧i̧ kɔ̧ see-am gana tortɛ-nyɔŋmɔ in mbe dɔ̧ɔ̧ kɔ-wa nɛ ya nɛnɛ lata lata'i.

⁹Mi ɔ nù nɛ fee-see ɓɛɛ ɓan na ya baa yí‘m wen GASA WAN, nɛ́ ɛnɛ'ɛ pɛm am.