Read Northwest Gbaya GIMA 41 Bible Online

GIMA 41 - Northwest Gbaya bible

GIMA 41

¹Gima ko David ha̧ wan-duk-zu-gima.

²Wi nɛ̀ ta mɔ wen o wi nɛ̀ bó nɛ̀ ŋgai na, duk kɔ‘i nɛ desee. Ŋgimbi ŋgayamɔ GASA WAN tɛ kpasi wi’ɛi;

³GASA WAN tɛ pɛm a̧, GASA WAN tɛ kpas'a; wi’ɛi tɛ kpa desee zaŋnu’ɛ, ɓɛɛ GASA WAN beka e ha̧ a̧ mɛ tik er o wi-sɛn-a ha̧ wa mɛ de mɔ nɛ̀ wa kɔ̧a̧ in a̧ na.

⁴GASA WAN tɛ gbak a̧ gɔn gado zɛɛ, a̧ tɛ de ha̧ nyimmɔ ko wi’ɛi mɛ ga̧ mbɛt.

⁵Ɓɛɛ mi tɔ̧: «Ɛ̀nɛ̀ dé ko ha̧‘m, GASA WAN! Ɛ̀nɛ̀ kpás'am wen mi dee ɗaŋmɔ ti'nɛ́».

⁶O wisɛn kɔ‘m tɔ̧ nɛ ɗaŋ wen zu'm, wen nɛ̀ wa tɔ̧ nɛ mɔ'ɔ: «A̧ tɛ fe bɔɔ mɛ gese ge ha̧ nin-a mɛ bi zu nù yinɛ ge?»

⁷Kà o wisɛn kɔ‘m tɛ́ mɛ zɔk am, mɔ nɛ̀ wa tɔ̧ ha̧‘m nɛ́ o gee-yà-zu-wen nɛ̀ ŋgɔn géè; see-wa duna nɛ̀ sɛnmɔ zu'm, ɓɛɛ wa pɛsi nɛ́ ɗaŋ nyɛrɛ-tɛ‘m yaknɛ.

⁸O wi-sɛn-am nɔ‘i fu̧i̧ nɛ wen a zer ŋmaa; wen nɛ̀ wa tɔ̧ nɛ́ mɔ'ɔ: «Hi̧i̧ye, mɔ'ɔ ba tɛ-a hegɔ!

⁹Nɛ́ zɛɛ-fio'o ba a̧‘i! Ɛ̧ɛ̧ n'aa ɔɔ nù kaɗi’ɛ, kura-a bo ɓɔna!»

¹⁰Kóó gba de gbama-yari kɔ‘m, wan n’ɛɛ e so zu mɔ k’ɛɛ kpɔk in ŋmaa'i, wan nɛ nyɔŋ so mɔ in am kpɔk'i, nɛ́ mɔ'ɔ nɛ̀ hu̧i̧ kɔ‘i nɛ́ dukui naŋ-wi ŋma nɛ‘m mbɛt!

¹¹Ɓɛɛ k’ɛ́nɛ́, GASA WAN, ɛ̀nɛ̀ dé nɛ́ ko ha̧‘m! Ɛ̀nɛ̀ bá‘m e ŋgɔn ha̧‘m kifi er ha̧ wa!

¹²Kà o wisɛn kɔ‘m nɔ‘i nɛ́ gana'm mɛ gai mɔ a zu'm na, ɓɛɛ mi tɛ iŋ ndé, ɛ́nɛ́ nɛ́ sɛm kɔ‘m.

¹³Ɓɛɛ kɔ‘m n’ɛnɛ yor ɗoŋ-am'i zaŋ duka-a kɔ‘m zóóŋ‘i, mi tɛ yor ɓɔnsɛnɛ sɛn ti'nɛ́.

¹⁴Ɛ̀nɛ̀ zɔ́n GASA WAN, Sɔ̧ ko Israɛl, wan nɛ duk kɔ‘i kpoo nɛ kpoo'i! Aamɛn! Aamɛn!