Read Northwest Gbaya GIMA 43 Bible Online

GIMA 43 - Northwest Gbaya bible

GIMA 43

¹Sɔ̧, ɛ̀nɛ̀ kɛ̧́ mgbara wen’ɛ ha̧‘m na nde? Ɛ̀nɛ̀ yé ɗoŋ am, ɛ̀nɛ̀ kpás'am er o wi nɛ̀ de ko na’ɛ in er o wi-ɔr-wi in o wi-gbɛ-zu nɔ'ɔ mbɛt.

²Sɔ̧, ɛ́nɛ́ nɛ́ fara-hu̧si-tɛ‘m; héé ge s’ɛnɛ siŋ bɔɔ mi pi̧ taŋ'ɛ ge? Wen ge mi tɛ yar nɛ̀ dita-see zu bɔnɛ nɛ̀ o wisɛn de in am’ɛ ge?

³Ɛ̀nɛ̀ tóm sa̧a̧mɔ in kpasawen k’ɛ́nɛ́ ha̧‘m wen ha̧ wa mɛ mgbɔ‘m nɛnɛ sitɛ sa̧a̧ kaya k’ɛ́nɛ́, in fara-duk k’ɛ́nɛ́;

⁴ɓɛɛ mi tɛ nɛ si fara-ɗafi'nɛ, Sɔ̧ wan-ha̧-desee ha̧‘m, mi tɛ de nyɛŋɛ zɔn nɛ̀ ɛ́nɛ́ nɛ̀ kunde, GASA WAN, Sɔ̧ kɔ‘m.

⁵Kinii mi tɛ duk bɔɔ nɛ dita-see siti wen ge? Mi tɛ pɛ bɔɔ see-am zu ge mɔ ge ɓɔ ge? Mi tɛ e nɛ́ Sɔ̧ nɛ̀ mɔɔ-e-nɛ-ta kɔ‘m; mi tɛ zɔn a̧ woyo wen a̧ nɛ́ wan-kpas'am, ɓɛɛ a̧ nɛ́ Sɔ̧ kɔ‘m mbɛt.