Read Northwest Gbaya GIMA 46 Bible Online

GIMA 46 - Northwest Gbaya bible

GIMA 46

¹Gima ko o bem ko Kore ha̧ wan-duk-zu-gima; gima nɛ̀ mɔɔ-dɔm.

²Sɔ̧ nɛ́ fara-hu̧si k’ɛɛ in ŋgai k’ɛɛ mbɛt; a̧ duk katɛ yɛ dɔ̧ɔ̧ mɛ gbak yɛ ŋgimbi bɔnɛ k’ɛɛ lɛŋ.

³Kóó nù naka so, kóó o kaya naka so gbin a ɗɔɔ gba-tɔp,

⁴kóó o som-yì kura so in pɛŋa-yì mɛ́ de ha̧ o gasa kaya mɛ nak mɛ mbaŋ a nù, kíì beka de ɛɛ na, wen GASA WAN, Sɔ̧ ko o gii wi-biro a̧a̧ in yɛɛ; Sɔ̧ ko Jakob nɛ́ ŋga-fara-duk k’ɛɛ.

⁵Ŋma yì a̧a̧ sɛnɛ nɛ foka-a ko gbaa er-a ha̧ nɛ desee ha̧ o bíí ye ko Sɔ̧, nɛ̀ de ha̧ fara-duk ko GASA WAN nɛ duk ŋgɔn mɛ̀ mɛ́ duk nɛ̀ sa̧a̧-a̧.

⁶Sɔ̧ duk kɔ‘i see ye'i, ɓɛɛ ye'i beka yai na. Sɔ̧ tɛ gbak ye'i mɛ gɔna-ndaa-zan.

⁷O tugun bíí dika gɛrɛm, o mɔɔ-wan yukuta ŋmaa, ɓɛɛ nɛ́ mɔ'ɔ n'aa tɔ̧ɔ̧ wen nɛ̀ hee ger, ɓɛɛ zaŋnu ɗaŋ lɛŋ,

⁸wen GASA WAN, Sɔ̧ ko o gíí wi-biro a̧a̧ in yɛɛ; Sɔ̧ ko Jakob nɛ́ ŋga-fara-duk k’ɛɛ.

⁹Ɛ̀nɛ̀ nɛ́ɛ̀ zɔk o zɔm mɔ nɛ̀ GASA WAN dea; a̧ dee mɔɔ-gɔn-ɗɛɗɛ-wi dam zaŋnu lɛŋ.

¹⁰A̧ dee ha̧ biro mɛ kaɗi hɔ nduti nù mɛ, a̧ gbina kusaa-góò, nukuri te-sɛ́ɛ̀ kɔ-wa a nù ŋgɛrɛm-ŋgɛrɛm, ɓɛɛ a̧ dɔ o ŋgee-biro kɔ-wa bíí wee kór-kór.

¹¹Ɛ̀nɛ̀ yá keɗeŋ, ɛ̀nɛ̀ íŋ nde, mi nɛ́ Sɔ̧! Nɛ́ mi'i ɔ wan zu o dukbíí, nɛ́ mi'i ɔ wan zu nù'ɛ lɛŋ.

¹²GASA WAN, Sɔ̧ ko o gii wi-biro a̧a̧ in yɛɛ; Sɔ̧ ko Jakob nɛ́ ŋga-fara-yaa k’ɛɛ.