Read Northwest Gbaya GIMA 57 Bible Online

GIMA 57 - Northwest Gbaya bible

GIMA 57

¹Gima ko David ha̧ wan-duk-zu-gima Miktam. Ŋgimbi n'aa yuu so nɛ̀ mɔ ti Saul hu̧si nɛnɛ kɔ̧ di̧i̧. Ger gima’ɛ nɛɛ nɛ́ ɗoŋ gima: K’ɛ́nɛ́ e ha'i mɛ ɗaŋ mɔ na.

²Ɛ̀nɛ̀ dé ko ha̧‘m, Sɔ̧, ɛ̀nɛ̀ dé ko ha̧‘m wa, wen nɛ́ ɗɔɔ gi̧ɔ̧-tɛ‘nɛ́ a̧‘m hu̧si sɛnɛ. Mi hu̧sa̧ tɛ‘m ɗɔɔ‘nɛ́ hɔ ŋgimbi nɛ̀ ŋgayamɔ nɛ̀ duk zu'm'i tɛ yak lɛŋ.

³Mi saa sara sitɛ Sɔ̧, GASA WAN nɛ̀ duk ŋgɔn mɛ, wi nɛ̀ dee mɔ ha̧‘m lɛŋ;

⁴Sɔ̧'ɔ̧ tóm yuwar-kpasa-a kɔ‘i nɛ̀ yiwese mɛ tɛnɛ. A̧ a̧ pí̧ búù zu wi-ɗaŋ-nin-am; a̧ a̧ tóm kpasawen kɔ̧-a̧ tɛnɛ, yor nɛ̀ ɗoŋ wen kɔ̧-a̧ mbɛt.

⁵Mi a̧a̧ mgbara o ŋga dila-kum-bíí; gba̧a̧ nin-wa nɛ́ labo in góò, nú-wa nɛ́ pa̧i-toro.

⁶Ɛ̀nɛ̀ úsí tɛ‘nɛ́ nɛ̀ yiwese mɛ tɛnɛ ha̧ wa zɔk, ɛ̀nɛ̀ úsí gasamɔ k’ɛ́nɛ́ zu nù'ɛ lɛŋ;

⁷wa tuia pɛ́r dam fara-yar kɔ‘m lɛŋ, ɓɛɛ mi zum zu'm nɛ̀ dita-see. Wa za̧a̧ lim ti'm, ɓɛɛ kana nɛ́ wa a̧ tika lim'i.

⁸Sɔ̧, see-am ga̧a̧ wa, see-am ga̧a̧ kànà war kpɔk; mi kɔ̧ɔ̧ mɛ kuli mɔɔ-mbɛr bíí nɛ̀ gima h’ɛ́nɛ́. Ha̧‘m kúr bɔɔ kɔ‘m sɛ!

⁹Kunde in koloŋ, ɛ̀nɛ̀ nɔ̧́í̧! Baa dik kaɗi! Wese tɛ daŋ yɛ sɔsɔɔ!

¹⁰GASA WAN, mi tɛ gasi'nɛ́ mgbara o dukbíí, mi tɛ gasi'nɛ́ sɛn zaŋnu’ɛ mgbara o tugun bíí mbɛt.

¹¹Zɔm dee demɔ k’ɛ́nɛ́ a̧a̧ fara lɛŋ hɔ yiwese mɛ mbɛt, ɓɛɛ kpasawen k’ɛ́nɛ́ dama tɛ tura-zan;

¹²Sɔ̧, ɛ̀nɛ̀ úsí tɛ‘nɛ́ nɛ̀ yiwese mɛ tɛnɛ, ɛ̀nɛ̀ úsí gasamɔ k’ɛ́nɛ́ zu nù lɛŋ.